發佈時間：18:41 2024-11-18
《中年好聲音3》昨晚（17日）是香港賽區百強第4回比拼，共誕生3位5燈和3位4燈選手。5燈選手包括森林、楊炳德和吳海楊；而4燈選手則是羅逸軒、梁華勝及陸東成。當中65歲的退休人士森林獻唱《天才與白痴》時，懷舊Look兼充滿Style的外型，配合其超強音樂感的Rap和台風，令海兒急不及待撳燈，比「長明燈」肥媽還要快，成功晉級香港賽區45強！
延伸內容：中年好聲音3｜音樂女神海兒竟然咁冧呢位參賽者 仲主動「示愛」
延伸內容：中年好聲音3｜ 高菲天籟女聲震驚網民 評審都Amazing！
延伸內容：《中3》索女評審 陳海兒絕密艷照大搜刮
森林懷舊Look同Rap亮眼
森林獻唱《天才與白痴》時，戴上一頭70年代許冠傑Style假髮、配以Hip Hop感誇張銀鏈亮相，超強音樂感及台風，令海兒即時撳燈。其實他海選時同樣獻唱《天》這首歌，張佳添讚他選歌策略做得好，而且演出亮眼，尤其是Rap的部分：「今日睇得仲開心，你完全Deliver到個能量，同埋唱Rap唔係將字就咁讀出嚟，係似同你講緊嘢咁。」伍仲衡則稱讚他的演出娛樂性十足，周國豐亦舉拇指讚好。
楊炳德混合3人靚聲
另一位5燈唱將是52歲於上海從事設計公司項目總監的楊炳德，其外貌與「樂壇校長」譚詠麟相似之餘，還擁有一把混合「譚校長 X 小肥 X 顏志恒」的靚聲，他獻唱《一首歌一個故事》大獲好評，伍仲衡指很多人處理高音的After Bridge總會翻車：「你又上到去，我咪撳燈囉，添Sir都等緊呢個位。」張佳添續稱：「見到校長咁嘅樣，梗係畀盞燈你。我覺得你把聲線夾雜3個人喺裏面，少少校長、少少顏志恒、又少少小肥，所以你要好好運用呢個Combination。」
何家豪代病逝女兒圓夢
除了實力唱將，還有不少選手帶着感人的故事參賽。44歲樂器導師何家豪，參加《中聲3》是為完成8歲病逝女兒桃桃、攜結他上台表演的心願，可惜昨晚自彈自唱《後來》僅得1燈被淘汰，何家豪說：「桃桃係好正面嘅人，可以喺呢個舞台彈到支結他，已經圓咗心願。」
李創偉被狠批揀錯歌
40歲跳舞導師李創偉，外貌與沈震軒和李治廷撞樣，在眾選手中屬顏值甚高。望走出跳舞框架的他，挑戰情歌《到此為止》獲得3燈成績，卻被多位評審狠批揀錯歌，並喻他應好好利用跳舞專長。
當中肥媽引用天王郭富城與歌手張立基的故事：「當年有個叫郭富城，有個叫張立基，兩個都跳舞唱歌。張立基當年同你今日講嘅嘢一樣，『我要做歌星』，唔肯跳舞唱歌。我早排先睇完郭富城演唱會，你自己去諗吓啦！」
伍仲衡則對其「彈彈下」的台風作點評：「我以為扮緊李小龍，同你唱隻歌好唔夾！」播埋今集，香港賽區45強順利誕生，下集起香港選手將聯同新馬區和大灣區選手組成終極60強，再度接受重重挑戰。
