發佈時間：13:18 2024-11-14
在《巾幗4》第十五集登場的龍督軍（曾航生飾）由於生性貪財、橫蠻又兇殘霸道，連日來不斷要脅七爺（胡定欣飾）交出超大金額作軍餉，而且吓吓硬功要脅、不是喊打就是喊殺，去到激動時更會揮動皮鞭打爛家中物件甚至傷人，「殺傷力」強大，堪稱劇中最兇惡奸角。不過昨晚（13日）龍督軍終作繭自縛，死於柴十七（黎耀祥飾）及眾手下的亂槍之下。
延伸內容 : 《巾幗4》陳楨怡玩自殘晒超長美腿 古典美睡衣Look超吸睛
延伸內容 : 巾幗4 | 羅毓儀堅Baby Face 曬12歲童年照 同28歲冇乜分別
延伸內容 : 康華「大紅姐」角色被封「美魔女」 康華現實手揸4物業 投資有道 !
曾航生初入劇組 狂食NG
在鏡頭前「手起鞭落、鞭鞭有力」的曾航生（Sam），私下原來「手無駁雞之力」，加上是次角色堪稱暴走Level，令即使有「TVB御用奸人」之稱的Sam亦大嘆遇上極大困難。阿Sam受訪時坦言起初入劇組時，雖然自覺已做足功課，但面對監製不收貨之餘，還要硬食勁多NG，Sam笑言：「今次呢個角色可以話係顛覆式嘅演繹，成個過程學到好多嘢。第一日開工我本身以為自己做足功課，背熟晒劇本、喺屋企亦試演咗；但去到現場先發現原來自己唔夠爆、唔夠惡，但我試演時覺得自己已經去到最惡嘅極限。」
感恩黎耀祥在旁鼓勵及給予意見
曾航生（Sam）坦言第一日拍真是很有有壓力、不習慣，初頭捉唔到導演把尺都有啲失措，唔知點處理好，他坦言：「最記得有一場戲我要拍枱鬧定欣同祥哥，嗰場戲拍咗好耐、Take咗好多Take，監製嚟咗現場同我面對面傾。」
曾航生（Sam）又感恩黎耀祥在旁鼓勵及給予意見：「佢有畀個佢覺得適合我性格嘅演繹方法出嚟，但監製就覺得我有潛力可以再去盡啲，最終監製嘅指引令到我開咗竅，之後演起上嚟就好過癮。經過今次嘅訓練，自己都覺得原來曾航生都有啲地方可以再提升，係一個好好嘅鍛煉機會。」劇中鞭不離手的Sam，笑言現場受訓及拍攝時不但笑料百出、且險象橫生令他慘變生人勿近：「因為嗰條皮鞭係真嘅，第一有啲重量，第二佢係有威力嘅，我每次發出去真係啪啪聲。所以當曾航生喺現場試嘅時候，真係一揮出嚟，大家都嘭一聲四散。」
