發佈時間：18:23 2024-11-01
歌手周殷廷（Yan Ting/ YT）最近除了忙於校園巡唱及出席不同的公開活動外，亦致力籌備新歌。新作《阿修羅》終於登場，YT透過此歌帶出人類的陰暗面。為配合主題，MV中大玩中鎗爆破，更以麻繩索頸，差點出意外，絶對是搵命搏！
《意外現場》延續篇
YT表示「阿修羅」曾於不同宗教或神話中出現過，代表着憤怒、邪惡、不忿、追求力量及陰暗面，而這首歌曲正是要帶出人類的陰暗面。他解釋：「《阿修羅》同我另一首歌《意外現場》想帶出嘅訊息好接近，但呢次係屬於陰暗版本。」
死亡後重生旅程
《意外現場》是講述死亡後重生的旅程，但落地獄後會找到甚麼呢？YT作出了解構，並說：「由《意外現場》開始，心中會有一把聲音不知從哪裏來，一年後出現嘅《阿修羅》，正正就係呢把聲音。我哋以為已經燒毁過去，但落到地獄後發現仍然存在，而且係一個詛咒，自己詛咒自己、詛咒別人、詛咒世界，帶出人類嘅本惡。」
吶喊憤怒形式演繹
於音樂上，YT在聲音方面要有不同的處理。他覺得唱《晨星》的聲音，與唱《阿修羅》不會一樣；這次他透過吶喊、詛咒、憤怒形式去演繹。《阿修羅》的MV跟《意外現場》還會有很多呼應，當中橋段埋藏了很多提示，究竟是想逃離到那裏？在哪裏可找到生存的可能性呢？究竟被誰追殺？即使有沒有反抗，也是與《意外現場》的主人翁有着前後的呼應。
第2次放炸藥上身
上次《意外現場》的MV有汽車大爆炸的場面，今次YT再挑戰玩火，更是「升級版」將炸藥孭上身，並演繹身中多鎗。他說：「除咗以前當兵曾孭過手榴彈，呢次係第2次喺身上放炸藥。我一直想去嘗試真實爆破，唔鍾意用CG，所有嘢都係真做，所以有相對危險性，而拍攝現場都安排咗救護車準備，以防真係有意外發生！」
索頸甩手被拖行
除了中鎗爆破，其中一幕YT被幾個人用麻繩索頸，再將他在地上拖行。這一幕差點發生意外，YT憶述：「拍攝前綵排咗好多次，第1、2 Take都唔錯，到3Take我想再真實啲，於是用盡全力去完成呢件事。當佢哋用繩索我條頸時，我會用手捉住麻繩，先畀佢哋拖行。但正式拍攝時，我甩手捉唔住，嗰條繩真係索住我條頸，一扯即時冇氣，感覺到腦充血，眼球好似想爆咁，我心諗PK了。」
沒好氣被讚演得好
雖然當時很危急，但YT想起當時情景仍忍不住笑說：「『鑑』生比佢哋拖行，嗰下又叫唔到Cut，之後跪喺地下不停喘氣，心諗大件事，唞唔到氣，但當時都係繼續拍緊，希望快啲完成到件事。」幸好很快拍攝完成，當工作人員衝上前大讚他演得好、效果「好掂」，YT卻沒好氣說：「唔係戲嚟，我真係甩咗手唞唔到氣吖！」幸好順利完成拍攝，他也安然無恙。
