發佈時間：17:43 2024-10-25
黃奕斌（Hugo）近日推出全新單曲《LIT》，顧名思義當中的「燃」就有「炸」的意思，所以他拍攝MV時亦要顯得有霸氣，邊Rap邊跳舞兼騷肌，加上有4位女Dancer相伴，由朝拍到晚，務必玩轉成條古裝街。雖然他在鏡頭前盡顯有型一面，但他自爆是怕醜仔一名，與女Dancer合作不知幾緊張，好在大家都睇唔出咋！
強勢Hip Hop示人
Hugo新歌《LIT》以強勢Hip Hop姿態示人，每段Flow都澎湃有力，他還邊跳邊Rap，誓要燃炸舞台。平時睇落斯斯文文的Hugo直言：「其實我內心係有個Hip Hop魂，我鍾意Hip Hop係因為佢夠Real（真實），如果首歌代表唔到我嘅想法，係唔能夠打動人嘅。」
古裝街拍攝取景
今次這歌曲MV於TVB古裝街拍攝取景，希望利用燈光特效協助下，拍出不一樣的感覺。MV的美術指導表示，靈感來自近幾年中國風與Hip Hop的融合越趨蓬勃，希望藉此向華語樂壇天王周杰倫致敬，同時注入創新元素。
配搭日本時尚新裝
為凸顯Hugo演繹新歌時的型格感覺，美指更為他準備了別出心裁的時尚新裝，包括日本街頭品牌Wacko Maria ✕ 56 Tattoo Studio Hawaiian Shirt、Greg Lauren的Studio Shirt，以及The Soloist Takahiro Miyashita 2010 F/W的西裝外套，這全是著名日本時裝設計師宮下貴裕，於離開NUMBER(N)INE後、所創立自家品牌的首個Collection單品。
與女生合作嗌緊張
經過多方面的構思，Hugo在鏡頭前盡顯有型一面，但他卻自爆是怕醜仔一名，與女Dancer合作時更感到很緊張，他笑言：「其實我驚同女生合作，可能因為以前同男生合作比較多，所以今次要同幾個女Dancer一齊跳群舞，真係需要做好多思想準備！」
