更新時間：11:00 2024-10-01
發佈時間：11:00 2024-10-01
發佈時間：11:00 2024-10-01
隨着早前蔣家旻公開跟周永基相戀，今年6月，「蝦頭」楊詩敏的舊愛邵子風也趁勢在網台爆料，「呢個女藝人當時做咗小三都唔知，搞到要生要死。」矛頭直指是蔣家旻。
邵子風指當年莊韻澄（前名莊端兒）向他大爆當時男友張致恆的惡行，二人於拍拖期間，男友多次出軌，更將搜查了男友跟其他女性調情的證據，顯示給他看。邵子風表示有看過蔣家旻跟張致恆的甜蜜合照，並謂︰「呢個『仆街仔』呃住蔣家旻，令女方唔知佢有女朋友，因為蔣家旻都唔理世事，結果知道後，好心傷。」
翻查紀錄，在2019年，蔣家旻就跟張致恆搭上一事，回應傳媒︰「 莫講話拍拖，我哋連單獨出過街都無試過，我同佢一啲關係都冇， 我唔想再同呢一件事有任何關係。另外，我冇自殺亦都冇抑鬱， 大家唔需要為我擔心， 我覺得自己躺着也中槍。」
張致恆借錢度日
同年，張致恆跟粉絲老婆區燕雯（雯雯）結婚，但多次鬧婚變，但又不停生B，四年抱四。她長期在網上放負，唱衰老公「又廢又懶」，兩公婆因而被網民封為「離婚界KOL」。今年6月，張致恆考獲「平安卡」在地盤做「職安真漢子」後，雯雯的確短暫冇發難，但9月初，雯雯又狂轟老公冷血，懶理三子張天朗生病。 但轉頭他倆又和好，一起到元朗買生果和卡通枕頭，變得有商有量。不過，好唔夠幾日，上周五（27日），雯雯又嚟料，帖文寫道：「唔會諗，大家攬炒」。晚上，張致恆在IG的限時動態發文向網民求助︰「因為今個月開工不足，所以導致屋企收入唔夠，認真想問下有冇人可以幫幫手？」似想向網民借錢。 這對長期財困的夫妻，真的沒完沒了。
最Hit
