昨天(9月5日)《星島頭條》獨家踢爆55歲「中2生」鄭梓浩（Brian、原名鄭家駒）的賤男真身，全城齊估包養他的圈中猛料「小四」身分，謎底獲鄭梓浩舊愛Grace解開，原來是曾參加《中音2》的孫耀威餅印胞妹、43歲已婚及育有兩子的孫美賢（DaDa），真係中年好鬼亂。

相關文章: 鄭梓浩被爆係終極渣男 呃女友送壯陽補品餵「小三」 |娛圈「渣男」逐個數

Grace爆鄭梓浩影下體相撩孫美賢

去年5月，定居瑞士的孫美賢返港參加《中音2》，雖然108強登場時只獲1盞燈被淘汰，但她並非空手而回，在孫耀威為她搞的唱K飯局上搭上已有固定女友的鄭梓浩。 Grace形容兩人是姣婆遇着脂粉客：「鄭梓浩表明有『老婆』，但孫美賢唔理，借意關心鄭梓浩傾心事，又話『老公唔理佢，佢背夫同老外上司拍咗7年拖，不過已分手，所以今次返港搵男朋友。』鄭梓浩就晚晚扮練歌坐喺樓下大堂等電話，之後2人開始玩祼聊，鄭梓浩影埋自己下體相撩孫美賢。」

上海幽會回港不停約炮

去年11月尾孫美賢再回港，鄭梓浩諸多藉口唔陪Grace去北海道過生日，「原來孫美賢網上買咗單程機票畀鄭梓浩飛去上海幽會，3日後一齊坐高鐵返廣州扮同陳俞霏練歌；返港後孫美賢意猶未盡再約炮，先後喺12月7日及1月7日去咗麗晶及crown Plaza酒店爆房。」

Grace越講越火滾：「孫美賢索性搵屋畀鄭梓浩搬出去，12月18日去元朗睇樓及簽約，聯名租住，按金及佣金全部由孫美賢網上過數，雖然鄭梓浩講明冇錢，但孫美賢話月租萬五蚊加埋水電煤負擔得起，仲打算叫阿哥（孫耀威）平讓部車畀佢用，承諾會長期包養，畀到鄭梓浩更好嘅生活，所以12月21日鄭梓浩就搬走，但呃我只係借朋友屋企暫住，留條後路畀自己。」

貼身Fans提醒「偷食二人組」有路

今年1月1日，Grace發覺鄭梓浩內地有「小三」嗌分手，1月14日以為浪子回頭心軟復合，點知好返第二日，「偷食二人組」趁Grace去日本玩，即去元朗炮房匯合。

直至孫美賢交咗兩個月租，才驚覺自己「小四」身份，嬲到唔再「放水」。與此同時，Grace獲貼身Fans提醒「偷食二人組」有路：「我睇相都覺得佢哋黐得好埋，所以1月31日喺孫美賢 IG post留言『做乜成日黐實我老公？外邊傳你哋黐埋？』佢就del我留言，仲扮地產界人士喺我抖音爆料挑機，話『成個地產圈都知道，孫美賢搵埋屋畀鄭梓浩住啦』。」嗰刻才真相大白，之後鄭梓浩跟孫美賢反咗面，佢同大仔連食飯錢都冇，加上孫美賢在港時要隨傳隨到，鄭梓浩自覺似隻「鴨」！

鄭梓浩為錢再返Grace身邊

最後鄭梓浩為咗錢，2月14日再返Grace身邊：「佢叫我信多佢一次，話自己只係誤入歧途，仲畀訊息我睇『老婆，唔關我事㗎，你睇下佢，全部係佢主動.. 』甚至形容孫美賢不男不女，好似阿婆咁好恐怖，對佢冇興趣，仲話『佢搞我，都搞我唔起。』」而被飛的孫美賢就日日由朝到晚追魂Call糾纏鄭梓浩，並追討先前的10萬蚊生活開支，甚至喺抖音直播中留言及搵收數公司、律師去Grace屋企追數，Grace不屑道：「佢要求我代還，佢包仔，叫我埋單？佢都幾好笑喎！」

「中音家族」怕咗孫美賢

最後Grace力斥孫美賢好唔檢點：「佢有老公又有兩子點解仲要搶人老公？佢真係好淫賤呀（點解唔同孫耀威投訴？）佢同人講話唔怕哥哥，反而我有同閨密黎瑞恩、劉威煌老婆哭訴，佢哋都嬲到同鄭梓浩絕交，個個都睇唔過眼，我付出感情及幾百萬喺佢身上又同佢買壯陽藥，佢咁對我；而孫美賢 5月再返嚟時曾同『中2生』黃劍文、劉可等默認鄭梓浩爭佢錢。」

被喻為《中音2》「食家」 收朱博文做『兵仔』

Grace笑言孫美賢曾多次凌晨3點約單身的《中音2》沈宗賢去蘭桂坊飲酒，「沈宗賢都收到風條女係『食家』驚咗佢；反而朱博文做咗『兵仔』。」最後，Grace更取笑鄭梓浩自以為萬人迷：「佢話有位爆紅視后媾佢，講到上埋床，視后及經理人收到風，鬧爆話再亂傳就告佢誹謗…」記者向劉威煌太太查問，她承認Grace曾哭訴過感情出問題，並「咿咿哦哦」表示冇提及「小四」，故不太了解。