更新時間：13:14 2024-08-09
發佈時間：13:14 2024-08-09
發佈時間：13:14 2024-08-09
鄭中基（Ronald）日前突然宣布與「機動娛樂」終止合作，因發現經理人何慶湘「工作及道德操守有問題」，其後鄭中基指自己因情緒健康問題，將會暫時休息，並再度發表聲明交代，坦言患上抑鬱症並「選擇咗飲酒去逃避現實」，透露有酗酒問題。外界對鄭中基突然爆出風波引起熱議，有網民更憶起今年4月在機動電視台RTV的YouTube頻道，慶祝超過60萬訂閱時，鄭中基與何慶湘齊拍攝Q&A影片，當中提到鄭中基最愛員工，以及何慶湘拍拖問題。
有網民偵探上身抽絲剝繭，翻出早於今年4月11日 機動電視台RTV的YouTube頻道，為慶祝超過60萬訂閱，上載一條影片以「六十萬訂閱Q&A 要離開香港發展！？巡迴演唱會最新消息、最愛的員工居然是......」為題，鄭中基與何慶湘一同出鏡回答網民Q&A問題。
鄭中基避答最鍾意員工
講完一輪鄭中基開巡迴演唱會問題後，有網民問鄭中基：「最鍾意公司邊個員工？」鄭中基最初避而不答，表示一眾員工各有特質，又稱：「有需要時幫得到手嗰個」，何慶湘期間多次含笑望住鄭中基，而鄭中基最後答是秘書Judy。
鄭中基拒代何慶湘答感情事
之後有網民問何慶湘：「湘湘幾時搵到男朋友？」鄭中基表示有好多人問過呢條問題，又稱：「呢啲我哋答唔到家嘛」，何慶湘先望一望鄭中基，再連講三次兼嘆氣：「我都答唔到喎！」鄭中基接住拎起酒杯一飲而盡。
何慶湘坦言愛年長男
何慶湘期間想繼續下一條問題，卻被鄭中基追問為何讓對方通過，何慶湘便說：「我唔鍾意啲細過我嘅」，鄭中基望向何慶湘露出微笑。不少網民再睇片後，認為鄭中基與何慶湘的答案暗藏玄機，感覺二人關係曖昧，有網民留言：「睇返呢條片再望返今日」。
最Hit
