更新時間：19:47 2023-08-16
發佈時間：19:47 2023-08-16
發佈時間：19:47 2023-08-16
岑麗香(香香)日前孖住四歲半大兒子參與親子瑜伽班，與多位家長及小朋友同場進行親子瑜伽。
首次跟囝囝一起做瑜伽的岑麗香(香香)備受考驗，皆因剛由加拿大探親回港的囝囝，因未適應時差關係，全程十足小樹熊般黐實香香，可愛度爆燈。
時差影響 睡眠不足
熱愛瑜伽運動的岑麗香(香香)參與瑜伽班當然難不到她，不過首次跟囝囝合作做瑜伽，岑麗香(香香)坦言受考驗：「一直喺屋企都有做瑜伽，仔仔見到會好奇一下，我都會問佢哋想唔想join。今日終於第一次同囝囝跟老師一齊做瑜伽。」活動期間，受時差影響的囝囝睡眼惺忪，全程攬實媽媽，令岑麗香(香香)大受挑戰。
岑麗香(香香)一臉慈母表示：「其實我冇expectation，因為佢咁細個，目標唔係要做到完美動作，反而想佢可以同我做下運動、開開眼界，畢竟我哋剛由加拿大探親返港，佢仍有少少jet lag，今朝凌晨四點已起身，之後只瞓咗半個鐘晏覺，所以佢表現算非常叻叻！」
岑麗香(香香)認為跟小朋友一起做運動，最重要是保持耐性，透過運動過程令小朋友學識聆聽、見識新事物及發掘自己喜好，香香指：「一齊做運動幫助我哋建立親子關係，因為自己一個做運動，可以好集中去做，同小朋友做運動係另一種fun，好似mommy and son date，大家一齊試新嘢、一齊學習、一齊拉筋舒緩壓力、一起交流，享受互動，加強bonding。」香香指囝囝跟爸爸一樣屬於運動型，她笑言與囝囝一起做得最多的運動是「騎馬仔」，而香香正是扮演馬的角色。
最Hit
