更新時間：13:44 2024-08-03
發佈時間：13:44 2024-08-03
發佈時間：13:44 2024-08-03
謝東閔在2010年因參加《超級巨星2》後加入TVB，又拍劇又唱劇集主題曲，近年劇集作品有《殺手》、《香港愛情故事》、《七公主》、《智能愛人》、《本尊就位》等，發展未算突出。效力TVB已經14年的謝東閔，日前已約滿後決定不續約，他表示︰「唔捨得公司啲同事！」
謝東閔想在40歲前有個新開始，他說今天不走，明日都會走︰「我好唔捨得公司同事，但都要走，要有個新開始。」之前他與TVB傾談合作方向，不過雙方想法不一致︰「而家好似入咗樽頸位咁，我想繼續喺音樂方面試多啲新嘢嘅話，就要改變。」謝東閔與吳業坤夾份投資開辦了音樂學校︰「雖然而家經濟唔好，都唔算擔心，守得住嘅！」離開TVB後謝東閔或會自資出歌︰「乜都試吓！入行咁耐冇試過離開娘家外闖，心情輕鬆，驚就唔好走！」謝東閔重申他跟TVB關係良好：「樂小姐（樂易玲）對我都好好。」
最Hit
