更新時間：16:00 2024-08-02
發佈時間：16:00 2024-08-02
發佈時間：16:00 2024-08-02
現年25歲的莊錠欣（Elkie），曾經在無綫拍過20多套劇集，亦擔任過兒童節目的主持，也曾是香港組合Honey bees的成員。9年前，Elkie毅然放下香港的學業和演藝事業，決心去韓國參加Cube娛樂的海外選秀，結果順利成為練習生。她笑言自己的優勢是童星出身，因此不會對鏡頭感到陌生與恐懼。
不過，就連非常有毅力的王嘉爾，都曾表示在韓國受訓的第一個禮拜，差點兒也捱不下去，究竟Elkie是怎樣捱過的？她哈哈大笑說：「佢哋對女生係好啲嘅，始終係男仔會嚴格啲。不過，訓練期間我哋係要完全停用電話，與外界斷絕聯絡！呢樣嘢對現今世代嘅人嚟講係一種折磨，但係我真係好鍾意呢一行，全程投入咗去受訓，根本冇時間去玩電話。因為冇咗電話，所以每一次練歌都需要用番以前嘅方法，用MP3錄製，呢樣嘢就比較唔習慣囉，因此拖慢咗進度。」
其實要成為一位韓國女歌手，又怎會像Elkie說得那麼容易呢？Elkie坦言在訓練營裏面，每個禮拜都需要面對被淘汰的情況，壓力甚大，她憶述：「我哋每個禮拜都好似有一個考試咁樣，需要自己準備一個表演去評分，只要唔啱佢哋嘅心水，就要俾人淘汰。其實每一個人面對呢啲事情，正常都會好大壓力，但因為我真係好鍾意，所以我好樂於面對呢一個功課。」銘記初心，再多的困難也能跨越，Elkie成功以女團CLC出道，不單止在香港、韓國，還在台灣及東南亞發光發熱！
Profile:
姓名：莊錠欣﹙Elkie﹚
年齡：25歲 三圍：32”、25”、35” 身高：165cm
入行：跟隨姐姐去kids model比賽被星探發掘，9歲開始拍劇，17歲以韓國女團CLC出道。
最Hit
