更新時間：15:38 2024-07-30
發佈時間：15:38 2024-07-30
發佈時間：15:38 2024-07-30
啟豪同兩隻豬「相依為命」
羅啟豪（Ramon 英國豪）啱啱喺社交平台分享，話原來先前放咗個短假，去咗大阪同京都，貼文當中仲有一條短視頻遊記。片中見到 Ramon 去咗好多地方食嘢飲嘢，又踩單車又遊公園，仲有一幕見到佢抱住兩隻豬，笑到見牙唔見眼！
啟豪憶述，話去到當地頭兩日都有落雨。第一日見啲雨落不停，於是決定打消行特色小店嘅念頭，環顧四周搵吓有冇合適嘅室內活動。當時佢企正喺一間迷你豬咖啡館下面，就走上去「八卦」吓。Ramon 第一次見迷你豬，店長仲一俾俾兩隻佢。佢話：「平時我好少探訪動物餐廳，今次呢兩隻豬好唔怕人，一嚟就坐晒落我大髀度！佢哋好乾淨，兩隻嘅性格又好唔同：一隻溫柔啲，一隻惡啲。雖然落雨要取消原定計劃，但係有佢哋同我「相依為命」，覺得「塞翁失馬，焉知非福！」喺外國大半世人嘅英國豪，睇嚟中文都唔錯！
另外，英國豪今次旅程嘅另一個目的，就係為佢嘅自家頻道 MV 取景。佢話：「今次已經係自家頻道「歌曲重 Sung」系列嘅第六隻歌，好想有機會喺外地取景。之前幾次登台都夾唔到時間做拍攝，於是就堅決要完成自己心願。」一向鍾意大自然嘅啟豪，喺計劃行程期間，留意到旅程會啱啱撞正大阪一年一度嘅粉蝶花祭——一年得一個月公園會有 100 萬朵香港少見嘅淺藍色粉蝶花盛開。Ramon 決定以咁難得嘅情境為 MV 背景，期望為佢呢個系列嘅新歌《My Heart Was Home Again》（美國歌手 Josh Groban 原唱）帶嚟一個個既夢幻又浪漫嘅畫面。
去咗粉蝶花祭爲MV取景
啟豪無錯過大阪京都四圍都係嘅打卡位
啟豪無錯過大阪京都四圍都係嘅打卡位
啟豪無錯過大阪京都四圍都係嘅打卡位
最Hit
