更新時間：17:22 2024-07-29
發佈時間：17:22 2024-07-29
發佈時間：17:22 2024-07-29
張致恒（Steven）2019年與粉絲區燕雯（雯雯）奉子成婚！育有四子的張致恒經常被太太公開數臭「又廢又懶」兼嗌離婚，陷財困多時的張致恒被指欠下不少街數，上月他終於洗心革面考獲平安卡轉行做地盤工人。近日張致恒到地盤開工賺錢養妻活兒，但疑因曝光了新工作而被追債的張致恒，今日（29日）在IG的限時動態公開道歉承諾會還錢。
張致恒今日在IG的限時動態貼出身穿地盤裝束的開工照，並寫上：「我知道我仲爭好多朋友錢，但係我都只係啱啱先開始返咗一個星期地盤，畀啲時間我啦好冇，我只係白紙一張啱啱入行，我嘅薪水都只不過係啱啱夠屋企嘅開支，當我搵定（穩定）啲嘅時候就會開始還畀你哋㗎喇，對唔住呀爭你哋咁耐！」
7月18日，有網民在小紅書貼出張致恒到地盤開工照，當時他同工友有傾有講，獲網民留言打氣！日前，張致恒亦在IG的限時動態貼出佈滿灰塵的開工鞋，並寫上：「休息一陣先，肚餓呀！」而香港近日的天氣高達35度高溫，難得張致恒終於挑走懶筋積極到地盤開工，為養家做真漢子的張致恒不怕辛苦，成功洗底獲網民留言鼓勵，更引來債主追債！
最Hit
