更新時間：15:33 2024-07-25
發佈時間：15:33 2024-07-25
發佈時間：15:33 2024-07-25
由舞蹈員轉型為多元化藝人的陳善渝（Odi），早年曾參演ViuTV的《對不起標籤你II》，因在節目中谷出「巨咪」，而被網民封為「Double May」；接着，她又再參加ViuTV的《全民造星III》及無綫的《盛•舞者》，由此闖出名堂。
其後，Odi獲邀參演，以盜竊身份為題材的奇情高智犯罪電影《查無此人》。片中，她外表高傲冷艷，為人心狠手辣，殺人唔眨眼，壞到透頂！雖然是配角，但甚有發揮，她坦言事前做足準備工夫，除搵戲劇老師教戲外，又跟健身教練操練，以及美容師護理皮膚等。「今次係我最重戲份，個『人設』好有心計，又識讀心，雖然係壞，但我好鍾意演呢種同現實好唔同嘅角色，而且自己都好喜歡睇啲驚嚇、變態殺人、鬼片。以前讀書時劏牛眼，啲女同學好驚，但我反而好興奮！戲裏面，我就呃人，但真實世界嘅我比較遲鈍，細個出道無耐都被人呃，試過做完嘢，冇錢收，幸好損失只係幾千蚊。」
經一事長一智，Odi簽了經理人公司，接工作及收錢有人代勞，同時為她開拓不同的工種，唱歌、拍戲之餘，她正在趕拍無綫新劇《香港探索地圖》。不過，她期望有機會參與拍攝旅遊節目，既可遊覽，同時又可深度認識當地文化，一舉多得！
最Hit
