更新時間：15:00 2024-07-15
發佈時間：15:00 2024-07-15
發佈時間：15:00 2024-07-15
早前播出的劇集《神耆小子》，東姑特別留意劇中狼追蕭正楠的朱斐斐。劇中，她經常寸爆情敵尹詩沛，兩女還爭風呷醋，在街頭扯頭髮之餘，更打到跌落地，情節爆笑！不過，打交並非最好睇，至震撼觀眾眼球的，應該是斐斐的逼爆上圍，她透露：「監製搵我去試造型嘅時候，佢同我講，估唔到我係咁瘦囉，於是叫服裝指導，用nu-bra及勁細碼衫去谷胸，營造E cup嘅效果。」
身為健身教練的斐斐，對自己的外形要求甚高，她曾向東姑表示，以前曾經用過唔少地獄式的方法減肥，例如：扣喉、食減肥藥等，她又坦言：「我曾經試過因為好想食一個麵包，跟住買咗返嚟食咗落口，感受咗個麵包嘅香味，就隨即吐番出嚟，係唔係好變態？」當時的她瘦得只剩得85磅。
如今聲言要活得健康的斐斐，會食得清淡，靠做運動去減肥；不過，她間中亦會放縱一下自己！日前，東姑在葵涌巧遇剛剛工作完的斐斐。當時，她除了買了兩件炸雞之外，更買了一杯卡路里極高的綠茶珍珠奶茶，接着一邊行、一邊歎，看來很趕時間。而跟隨她後面的東姑，那刻都感受到她食麥記的喜悅，彷彿回到童年時！
最Hit
