去年 ，MIRROR成員陳瑞輝（Frankie）自爆有新戀情，但僅透露女友是圈外人：「佢唔慣高調！」不過，事隔半年，Frankie的「巨咪」女友Christy，已急不及待浮面，除了現身男友的宣傳活動之外，又不時隔空「放閃」。

然而，人怕出名，豬怕肥，Christy迅速被翻出黑材料！在社交平台上，她既上載大量近乎三級的性感噴血照，又發表大膽言論，譬如：有鋪做「小三」癮，行為令咋舌！

原來，Frankie與Christy撻着期間，他疑似跟拍拖14年的阿Hei仍未甩拖；還有，Christy自己有一個男伴，同時又與MIRROR另一成員江𤒹生（AK）情非泛泛。此外，Christy又爆出AK偷嗒「ViuTV咪神」沈殷怡，六角關係亂七八糟！

Christy迅速被起底 惹火慾女

今年35歲、MIRROR成員之一的陳瑞輝（Frankie，暱稱皮皮），於去年平安夜公開有新戀情，但沒透露新歡身份︰「佢唔慣高調咁去公開。」其實，他的女友叫Christy，一早已在網上宣示主權，並頻頻跟他的粉絲互動。之後，Christy越來越高調，今月更現身Frankie場次的《HI MIRO！見面祭》。當日，她不單止穿上男友自家品牌尚未推出的新衫，還跟粉絲一齊上台排隊攞御守及影大合照。

搖身一變成為「MIRROR嫂」，Christy迅速被起底。有人指她曾任傳銷，亦參加過《尾二一屆口罩小姐》。而從Christy放在社交網的照片所見，擁有「巨咪」的她，經常濃妝艷抹及衣着性感，對自己
的魔鬼身材毫不吝嗇，更酷愛擺出近乎三級的撩人挑逗甫士。

發表超大膽的愛情觀 樂做「小三」

此外，Christy還發表超大膽的愛情觀，既樂做「小三」，又愛見一個愛一個，以及覺得一腳踏兩船濕濕碎︰「我覺得自己要搵多個？𠵱家嗰兩件都唔係隨時on call嘅，我要一個係一call要即刻出到嚟」、「Just realised（剛意識）我今年全部relationships都係做緊人第三者 Wtx’s wrong with me⋯⋯我知自己都好花心見一個鍾意一個，我係一個prefer sl（secret lover）rather than sp（sex partner）嘅人⋯⋯」、「我玩厭之後一定會爆俾佢條女知，再咁俾人呃落去真係好慘，即管睇下邊個識玩啦！」

不過，最爆的莫過於從Christy流出的短訊截圖中，原來她跟 Frankie交往的同時，還跟MIRROR副隊長江𤒹生（AK）情非泛泛。期間，Christy還向Frankie撒嬌：「點解AK會搵我傾偈嘅？」Frankie甚有醋意地回覆：「佢搵你一定去」、「你唔好搵我喇！你自己一早都揀咗，你講嘅，佢搵你一定會去，做咩我要對自己咁差啫？」Christy馬上補鑊：「佢唔會啦！傾閒偈only同埋佢有女㗎嘛。」

爆AK偷嗒「咪神」

原來，Christy跟AK的私訊也不少，而她曾被AK封鎖，故大發雷霆；接着，她竟然在社交網大爆，AK和「ViuTV咪神」沈殷怡在玩地下情，「呢個大陸阿嬋樣嘅三線奀星，逼AK block完我，仲要特登嚟睇我story宣示主權，收皮啦八婆，你條仔一直有偷食㗎，on X！」另外，AK就曾經向Christy講新年祝賀外，還問及女方學跳了鋼管舞多久？而Christy便反問AK的studio有否給予初學者的跳舞堂，因自己完全跟不上。另外，她在截圖上寫道：「皮皮嬲咗我，因為我成日提AK，𠵱家AK又係咁TEXT我，我都唔知係咪皮皮搵佢嚟試我，但係AK應該唔知我同皮皮咩關係？」看來，AK對「阿嫂」Christy的一舉一動很關注。

早於2021年底，Christy與Frankie已開始曖昧；同時，她還有一個名叫Benben的男伴，她曾留言投訴兩男未能隨時伴隨左右，令她變得情緒化。而當時，Frankie有一個拍拖14年的dancer女友阿Hei，
至2022年5月他才宣布分開，並強調不涉第三者。不過，阿Hei近日在社交網轉貼韓星李惠利的「好有趣」舊帖文，似乎有所暗示，於是觸動網民的「偵探神經」。

Frankie被嘲 「樂壇何伯」

網民就發現，雖然Frankie於2023年的平安夜才認愛Christy，但兩人在2021年12月18日流出的對話截圖中，已可見關係親密。當時，他們想去迪士尼玩；然而，Frankie卻害怕被認出，故對Christy說：「你諗到辦法我同你入！我蜘蛛俠都扮過！唔Work。」、「你話like me，我戴口罩戴帽你會唔會認得我？」網民又掘出，Frankie在2022年1月，仍然公開與阿Hei「放閃」，所以他被指有一腳踏兩船之嫌。

Frankie和Christy的戀情，因黑材料不斷發酵，牽連的人越來越多，包括：AK、沈殷怡、阿Hei及Benben，而演變成火燒連環船。上周四（6月20日）， Frankie終在社交平台首度開腔：「我好抱歉。同時都想澄清，我係喺上一段感情結束後，先正式開始𠵱家呢一段關係，希望大家唔好再作猜測⋯⋯我開心大家最近睇到我嘅轉變，睇到我自信咗，開朗積極咗，打開咗自己，俾到更多好睇嘅自己大家睇。」不過，網民卻不看好兩人的戀情，除了嘲笑Frankie為「樂壇何伯」之外，還叮囑他要「小心識人」。
本周一（6月24日），AK出席新歌發布會時，他坦言沒有追求Christy，與沈殷怡只是好朋友，以及同Frankie的兄弟情不會變。
至於，MIRROR的經理人黃慧君（花姐）亦忍不住要出聲，日前凌晨，她就分享了一張燒雞的相片，更寫上：「好食，但難handle，我嘅性格會選擇唔食！」花姐此舉被網民捧為「神回應」，亦令花生指數爆燈！