張致恒 搶特價再打折壽司
更新時間:13:06 2024-06-18
發佈時間:13:06 2024-06-18

現年39歲的張致恒(Steven),2019年與女粉絲區燕雯(雯雯)奉子成婚,至今誕下4個兒子。婚後,雯雯曾多次公開數臭老公又懶又廢,經常傳出婚變。決心不離婚的Steven,為修補夫妻關係,近年都洗心革面努力賺錢。
日前,Steven就獲廣州一間酒吧邀請登台。到場時,該酒吧不單止安排拉炮歡迎,還有不少粉絲拿着應援牌或螢光棒,當他如巨星。不過,事後卻遭一些內地網民連番狙擊:「全網監督張致恒還錢,今鋪有工開就有錢還啦」、「好心減肥」、「一開始以為是麥包在酒吧唱歌」。不甘老公被網民狂踩的雯雯即發文:「衰,佢係衰,但佢仲肯堅持搵錢俾屋企,點解唔俾條路佢行,繼續笑繼續踩,你哋真係咁開心?」
日前晚上接近11時,東姑在天水圍西鐵站發現Steven的踨影。現場所見,他戴住賊仔帽、孭住個tote bag,一支公行經一間平價壽司店。因為快將收舖,所以該店做特價時段再8折,他二話不說就迫入人群中選購。期間,Steven左望望、右望望一輪後,便拿起了一盒壽司,折後埋單不用40蚊。之後,他再往附近的便利店買了一罐有汽檸檬茶,然後步行返附近屋企醫肚!當晚Steven的晚餐連飲品,埋單50蚊有找,當真慳家,雯雯可以放心!