發佈時間：15:45 2024-06-15
由阮兆祥、李思捷、王祖藍主持的扮嘢真人Show《福祿壽訓練學院》，明日（6月16日）登場的嘉賓會是當年與盧海鵬同樣以「扮嘢」馳名的廖偉雄（燦神）。息影多年的廖偉雄難得相隔17年重返TVB，在節目中獲頒發「扮嘢界榮譽博士」榮銜時更喜極而泣。
頒發「扮嘢界榮譽博士」
三位節目主持阮兆祥、王祖藍及李思捷為表敬意，以廖偉雄不同經典扮嘢造型亮相《福祿壽訓練學院》，並向廖偉雄送上「福祿壽訓練學院榮譽博士」榮銜。廖偉雄上台領獎時忍不住淚灑人前，更伏在王祖藍肩膊，但不忘發揮搞笑本色指自己感動原因，「係因為我攞到呢個榮譽博士，係全球最偉大嘅唯一一間頒嘢學府頒發至高榮譽，多謝福祿壽訓練學院，多謝TVB！」令台下觀眾既感動又好笑。
扮蔡燶華《蝕到空虛》向廖偉雄致敬
主持又分別向廖偉雄其中三個經典表演項目致敬，包括蔡燶華《蝕到空虛》、張惡榮《燦神》（原裝為《掃墓》），及以超經典乜太Look獻唱當年經典搞笑節目《笑星救地球》同名主題曲及片尾曲《Charlie Charlie Chit Boom Boom》Medley。
三人表演完畢後，一同衝到台下邀請廖偉雄上台，他上台後即拿出當年紅極一時的「笑聲拍板」為眾人「加持」，當中自稱是乜太及《笑星救地球》鐵粉的王祖藍開心大叫謂：「願望成真，終於可以畀『笑聲拍板』拍到頭！」
廖偉雄謙虛分享扮嘢心得
與福祿壽及現場眾學員打成一片的廖偉雄，事後認真又謙虛地分享扮嘢心得，其間還重現了乜太其中一句金句「咁就為之very good喇」：「你要扮嗰個人嘅特點，盡量將佢放大，如果見到旁邊嘅人笑緊，你就放得更大，如果冇人笑嘅話，就轉第二條橋再嚟過，總之要不停變同不停變，咁就為之very good喇！」廖偉雄還不忘感性地謂：「喺演藝入面其實模仿係基礎，當你懂得扮嘢時，你就可以做到唔同嘅角色，因為你知道點去加強。演藝界每年可以出好多個小生，但係起碼10年先可以出到一個笑匠，唔係容易架，所以希望福祿壽能夠培育多啲新人。」
廖偉雄曾移居內地現住大馬
現年66歲的「阿燦」廖偉雄1976年入讀TVB第6期藝員訓練班，參演不少電視劇，其中出道初期在《網中人》飾演新移民「程燦」而成功入屋，為他帶來「阿燦」的綽號。在80年代，他參與《歡樂今宵》演出，模仿扮嘢功力令人拍案叫紹，與盧海鵬模仿達明一派的「撻成一塊」唱《壽頭記》（改編《石頭記》）更是經典。廖偉雄到90年代與胡大為及黃一山等主持《笑星救地球》，其中在趣劇「乜太與李」亦是其代表作。
廖偉雄到了90年代後期轉型從商，曾投資美容直銷、在中國內地開卡拉OK等多個行業，可惜因欠債四十多萬被銀行入稟申請破產。廖偉雄因此曾重返演藝圈，之後他又轉型於馬來西亞製作「燦師傅」叉燒，又曾到廣東定居開發「亞燦米」，近年再移居到馬來西亞發展有機農場事業，現時亦有賣榴槤。
