更新時間：17:06 2024-05-31
發佈時間：17:06 2024-05-31
發佈時間：17:06 2024-05-31
昨晚（5月30日）《東張西望》再度播出何伯與何太訪問，原來於5月29日何伯與何太在食店進行直播，《東張西望》團隊全程在旁拍攝。而直播前，《東張西望》團隊更跟拍何伯與何太由香港到深圳的過程，可見沿途有很多人認出何伯與何太，不少人為求合照，證明何伯與何太「紅過羅湖」！
何伯大罵大仔「最不孝」誓要令大仔「工都冇埋」
《東張西望》播出何伯與何太部份抖音直播及側拍二人的片段，何伯繼續為450萬元積蓄被細女取走一事控訴，更大爆大仔及二仔的全名及職業。何伯直播後受訪，除了再罵「最不孝」的大仔，更誓要令大仔工作受影響，何伯之前靠銀行利息生活，但子女的行為等於折磨他，他表示：「佢折磨我，唔怕爆佢，而家一查，佢份職（工作）都冇得做㗎喇！兩頭家呀嘛，犯法㗎嘛！」不過在香港的法律制度中，偷情或通姦並非刑事罪行，未知何伯指大仔犯法是否別有含意。
再爆大仔同情人育有龍鳳胎
何伯說得氣憤，更連大仔在內地「另一頭家」有對龍鳳胎都公開，又指其他子女，甚至大新抱及長孫女都知情：「佢老婆同個女都知㗎！不過費事爆搞到佢冇咗份工咋嘛！佢老婆都忍佢㗎！」何太更在旁指何伯大新抱啞忍老公出軌十多年。何伯指：「我知道（大仔出軌），詐唔知，而家佢爆我，我咪爆佢囉！佢咁不孝，我咪爆佢囉！」何伯透露曾被大仔警告：「佢（大仔）話唔好再爆我嘢呀，我連份工都冇埋呀！佢咁話我呀嘛！咁你都咁對我，都唔當我係老竇，咁咪爆你，等你份工……拉返你落嚟囉！」何伯亦表示明知將事件鬧大會影響子女，但他仍堅持這樣做：「佢哋都唔顧我，我顧佢做咩呀？」最後更留下一句：「法庭見！」宣告與子女關係破裂。
最Hit
