發佈時間：09:00 2023-08-13
喪妻近3年的林子博，於老婆董燕君離世後10個月，就帶同一對仔女離開傷心地，移民英國重過新生活。這兩年間，一直只專注湊住一對仔女的子博，完全沒有心思去結識另一半，他坦言：「一對仔女就係我嘅全部。」
為了融入一對仔女的世界，與他們拉近距離，子博不單止管接送，更投其所好。日前，《東周刊》就發現近日回港的他，跟着仔女學打功夫。在努力學習下，雖然子博都打得有板有眼，但現年52歲的他，手腳協調始終不像年輕時候，最後更因為一個翻滾動作而扭傷，「廿四孝爸爸」不易做呀！
實踐亡妻遺願
兩年前，無綫娛樂台前主播林子博表示，為了能夠實踐亡妻董燕君（Shirley）的遺願，將仔女培育成材，所以舉家移民英國曼城，好讓他們在當地就學。初到埗時，一個男人帶住兩個細路，人生路不熟，既不懂英文又沒有工作，確實苦不堪言；不過，為了一對仔女，他惟有頂硬上！
幾經辛苦，用了兩年時間，子博一家三口終於在英國站穩陣腳；而他亦做老本行，在網上開設自家頻道《子博在英國》。可是，他表示收入僅夠交水電煤：「希望再做好啲，多啲人睇變成一個正職啦！不過，𠵱家咁樣做，就令到我可以全天候照顧一對小朋友，即使返嚟香港都可以照樣做。」子博坦言英國開支不大，除了能源費較高之外，餸菜比香港便宜；加上，他們只是租住曼城的郊區，10,000港元多的租金，已經有5房、有車房及超大型花園配套，看似超級豪宅，但實屬荒蕪地帶，只是為方便仔女返學。
疫情過後，一直惦念老婆的子博，終於帶同子女回港拜祭忘妻。對於當日離港時，未能見到太太入土為安，他感到相當自責。他無奈地表示，因為當時未知道甚麼時候能夠排到靈灰位，香港的家又租約期滿，同時又要配合細仔在英國的開學時間，匆匆忙忙，甚麼也處理不好，他說：「見到佢個靈灰位覺得好慚愧，要去贖罪，太太上位時，我哋已經唔喺香港，所有事情只能交由大舅處理，呢個係我最解唔開嘅心結，兩年嚟個心一直唔舒服。」所以回港翌日，子博已急不及待去柴灣華人永遠墳場，拜祭父親、外母及妻子。
為子女頂硬上
據悉，老婆離世後，子博已放棄找另一半的念頭，專心將全部精力放在一對仔女身上，他直言：「𠵱家我嘅世界只得兩個人（子女），乜都以佢哋為先，坦白講唔係旅行，係移民，過去兩年仲未好習慣當地嘅生活，但我唔捨得丟低佢哋喺英國讀書，佢哋經已冇咗媽媽，唔可以冇埋老竇，只能辛苦啲去適應。直至佢哋大學畢業後，我總算向太太交代得到。」面對外界的流言蜚語，子博坦言一切只是過眼雲煙，子女的生活與健康才是最重要的，他笑言：「人哋話我係『十八線奀星』，我冇嘢喎！呢幾年我由冇咗份工到老婆走咗，兩年嚟湊住兩個小朋友，去到一個人生路不熟嘅地方，英文又唔掂，我有咩未經歷過呢？」
日前約下午三時，《東周刊》在旺角的一個運動場，發現子博帶同仔女，跟隨星級武術大師王陽海，學打功夫。據悉，今年18歲的大女詠渝，大學畢業後，有意進軍荷里活，所以她現時在英國讀表演藝術，而九月將會修讀音樂劇兼學跳舞。今次返港，她就急急找教練學武，希望多一技傍身，未來可以一展所長。為了融入一對仔女的世界，《東周刊》發現子博都學埋一份。1993年，參加亞視的《電視新星大賽》入行的他，雖然擁有武術底子，但始終年過半百，身體機能都與仔女相差很遠，最後他更因為翻觔斗，而導致扭親隻腳，更要由兒子攙扶離開。可見子博要做一個「跟得爸爸」，當真含辛茹苦！
