更新時間：17:13 2024-05-03
發佈時間：17:13 2024-05-03
發佈時間：17:13 2024-05-03
現年62歲的音樂人周啟生一向直率敢言，不時於社交平台公開批評樂壇中人，繼去年初以「食垃圾論」力撐梁文禮狠插梁詠琪一事，連帶重提「楊千嬅根本唔適宜唱歌」後，近日又於Facebook發功狂踩人稱「豹哥」的33歲陳蕾。
狠批陳蕾彈結他甩皮甩骨
周啟生毫不留情點名批評：「有朋友send咗一啲links畀我，係一個女仔嘅演唱會，女歌手叫陳蕾。我之前曾經聽過一兩隻佢嘅歌，聽唱片製作又真係幾好聽！音樂，歌詞，唱歌都係合格嘅！但係聽佢現場嘅表演，真係嚇咗我一跳，彈結他甩皮甩骨，唱歌近乎離晒譜咁走音。」
周啟生被寸靠後輩博見報
講到陳蕾早前奪女歌手獎項，他續反問大家：「本來人哋開演唱會係可喜可賀，我冇心將佢攞嚟評頭品足，不如我問吓你哋，如果你聽過佢今次嘅演唱會，又或者睇過片段，#我唔想討論演唱會燈光有幾靚 #今次話題唔係講舞台有幾華麗 我淨係想聽大家覺得佢唱歌點？？」結果網民反應兩極，不少人撐周啟生講出真話，亦有人認為陳蕾唱Live不算完美但不至於「甩皮甩骨」，甚至寸他「靠X後輩博曝光」。
張天賦撐陳蕾是女神又是歌神
張天賦（MC）昨日（2/5）現身西九文化區出席香港電台節目巡禮活動，他接受傳媒訪問時就表示自己好少看這類型的新聞，他就強調陳蕾在他的心目中是女神又是歌神。就周啟生批陳蕾彈結他甩皮甩骨一事，張天賦就話覺得演唱會是娛樂性，就如他自己跳舞都會甩皮甩骨，手腳唔協調，如果以技術而論，一定不及專業人仕，只要達到娛樂性嘅目的，能夠娛樂到觀眾，自己又享受的話，他就會做得好。
最Hit
