更新時間：20:00 2024-03-05
發佈時間：20:00 2024-03-05
發佈時間：20:00 2024-03-05
素有「翁女俠」美譽的翁靜晶，一向對維護正法不遺餘力，創立社交平台「佛門警訊」，揭露佛門醜聞，打擊假和尚騙財劣行。
今次她接獲洞鈜法師的胞弟舉報，轉介給《東周刊》跟進調查報道，從而揭發洞鈜法師犯戒食肉。
「對於中華出家人（即漢傳佛教），包括香港、台灣、澳門、大陸），都是不能夠食肉，必須茹素。但佛門裏面，是有一些抗辯理由，就是有病。有時中藥可能需要藥引，必須搭一塊豬肉入去，先可以引出藥的精華，這叫藥食。」
（洞鈜法師食沙嗲烤雞和烤豬肉，又算不算藥食呢？ ）
「如果你大大隻，平時咁多社交活動都出現，走來走去，又見到佢好精神，你依家食烤肉話係藥食，咁就講唔通，你講出來要法官相信先得。」
「洞鈜，你用呢個抗辯理由，對唔對得住俾錢你嘅善信？對唔對得住金主？對唔對得住你嘅宗教同承諾？你點對得住佛祖？」
（洞鈜法師的親弟更爆，法師的鹿湖精舍鬧鬼，找他從大馬過來香港驅鬼。）
「你覺得和尚會唔會怕鬼呢？ 呢個和尚好有問題。鬼係眾生，你可以超度佢哋，唔使怕，怕係因為心中的鬼係喺你心裏面。對待鬼的唯一方法，就係用慈悲同愛。你咁怕鬼，不如真係考慮還俗啦！」
最Hit
