發佈時間：10:21 2024-02-16
現年26歲的劉穎鏇（Tiffany），憑當選2016年「香港小姐」亞軍兼最上鏡小姐入行。有樣有身材的她，出道後備受力捧，機會不斷！在上月初舉行的台慶頒獎禮，她便奪得「飛躍進步女藝員」獎；另在剛播畢的《飛常日誌》中，她扮演空姐，又被網民大讚是「最靚空姐」。
自小在美國生活的劉穎鏇，眼見在港有更好的發展機會，便留下來，其父也專誠從美國回流照顧她。適逢母親近日來港探訪，一家三口難得團聚過農曆新年；工作後，她即趕到街市挑選最新鮮的食材，為「至愛」的父母炮製團年飯，果然是孝順女一名。
睇得打得
出道7年多的劉穎鏇，因樣子甜美，外形討好，由初初主持《學是學非》，接着慢慢轉至拍劇。拍劇時，她肯搏肯捱的表現，就獲得「金牌監製」文偉鴻的青睞，不斷給予機會，例如：《鐵拳英雄》、《超能使者》、《隱形戰隊》等，既要露肉兼打到七彩，她都無托手踭，更不惜激減15磅，令身形變得流線型，還狂操體能，以及加強身手靈活。早前，文監製在開拍新劇《奪命提示》時，除了開到口預埋她一份之外，更公開給予她高達8.5分的評價：「我睇到佢有團肯拚搏嘅火。」
辛苦換來好成績，連續4年獲提名「飛躍進步女藝員」的劉穎鏇，今年終於贏得這個獎項。好事接二連三，在剛播畢的 《飛常日誌》中，她出動黑絲演空姐，就被網民封為「最靚空姐」，連拍檔馬國明都指，老婆湯洛雯「經常讚劉穎鏇靚」，認真打得又睇得。
自當選港姐亞軍後，劉穎鏇便決定留港開展娛樂事業，因為她是家中獨生女，一家三口最終無奈分隔港美兩地，她直說︰「爸爸唔放心我一個人在香港，於是留喺香港陪我，爸爸已經退休。」而媽咪由於仍在當地工作，加上之前疫情不能飛，兩母女只能視像通話。向來是孝順女的她，一直有一個心願，「訂多個目標俾自己，就係再俾心機啲，媽媽就可以嚟香港一齊住，到時由我去照顧番父母。」此外，她早前出席超市活動時，都將父母掛在口邊，指自己暫時只懂煮簡單西餐，但想學好廚藝，「都食得落，唔係地獄廚神，想學中菜，但中菜比較難學，好考技巧。（係咪想箍住另一半？）𠵱家想先照顧好父母嘅胃。」
難得聚首
不過，原來一家人近日大團聚，劉媽媽已飛抵香港。上月攞「飛躍進步女藝員」獎時，劉穎鏇便透露︰「媽咪喺香港睇電視支持，好開心有機會一家齊人慶祝呢個獎項。」一家三口難得聚首團年，親情要緊，她曾揚言：「人越大越珍惜與家人相處的機會。」日前，她一收工，就快速換回簡約的衛衣和牛仔褲離開，接着揸車到坑口的商場買東西，繼而再到厚德邨的街市買餸。
現場所見，縱使劉穎鏇已戴上口罩，刻意低調，但她始終高頭大馬，仍被不少街坊認出。而她就禮貌地點頭，便自行到凍肉店挑選雞扒，再買了一些蔬菜，跟着揸車急急趕返家，下廚炮製團年飯與家人共享。現時是事業搏殺期，她坦言從外國來港發展不容易，要先照顧好自己及有經濟能力，新一年都是工作至上，做出好成績回饋父母，感情方面則順其自然。
