更新時間：17:00 2024-02-05
發佈時間：17:00 2024-02-05
發佈時間：17:00 2024-02-05
阿根廷球王美斯（Lionel Messi）日前隨球隊國際邁亞密旋風式訪港，原定昨日（4日）在香港大球場與香港隊踢表演賽，不過這位阿根廷球王全程無落場，齋坐陪大家睇波，結果全場球迷群情洶湧大叫「回水」兼遭圍，噓聲四起。
陳庭欣出PO炮轟「違反商品說明條例」
如一心捧美斯場的謝東閔，都有到場觀戰，並意外地拍下美斯被觀眾席的球迷用外套扔中，而事實上不少人對美斯未有落場感到失望兼憤怒，有份去睇波的《東張》女神陳庭欣，出PO炮轟「違反商品說明條例」，更指有不少球迷表示要報《東張西望》。
鍾培生特首同碧咸打拳賽攞公道
鍾培生即時拍片並說：「建議特首挑戰同碧咸打返場拳賽，為香港攞返個公道。」
林作稱係足球史上最大騙案
頭抽水王林作亦去睇波，更在社交網站留言說：「可能係香港足球史上最大嘅騙案，本人宣佈，即時開始聯絡各路現場球迷，組成『香港反足球詐騙大聯盟』，誓要討回公道。38000個苦主，我唔信有一個對今日經歷感到收貨。後續將會持續update大家。」
高海寧稱要食甜品安慰自己
成功與碧咸合照的高海寧留言說：「Messi無落場，Sarah hold足全場，Good Job！」又在Story貼相：「食啲甜品安慰下自己。」
湯洛雯稱要睇少林足球平衡下
湯洛雯亦留言笑說：「我要返去睇少林足球balance（平衡）下」。
馬海倫非常失望和憤怒
馬海倫亦嬲爆留言說：「美斯和蘇亞雷斯冇落場真係非常失望和憤怒，就算有傷都落場踢30 or 20分鐘都好，本來開場好開心有姜糖等表演，失望而回。」
盧覓雪 : 斷估唔係嚟睇阿GEM表演
盧覓雪亦在IG拍片：「梗係失望啦！我斷估唔係嚟睇阿GEM表演。」盧覓雪還大爆是在下半場開始有人嗌退錢，最初是說普通話的，講廣東話亦不少叫回水。盧覓雪拍片期間，亦是全場噓聲：「呢個係真實民意反應。」
最Hit
