更新時間：17:33 2024-01-24
發佈時間：17:33 2024-01-24
發佈時間：17:33 2024-01-24
《肥媽李鼎打大佬》話咁快就嚟到最後一集，最終篇就以「新春傳統禁忌揭秘」作為主題，肥媽同李家鼎配合主題炮製咗四道賀年菜。
拍完《一眉道人》黑到爆
農曆新年有唔少傳統習俗，講到年廿八洗邋遢時，鼎爺就特別講究：「碌柚葉、黃皮葉加埋豆腐煲水，因為豆腐有啲纖維，就算毛孔入面啲污糟嘢都會搓埋出嚟。」肥媽就分享一件唔能夠唔信邪嘅親身經歷：「有一年拍林正英嘅《一眉道人》，我拍完之後蒸糕，嗰年我真係唔發（意指啲糕發唔起），同埋我係瞓棺材底，結果真係衰足三年。」肥媽向游嘉欣再三強調：「你第日如果拍呢啲片，第一要攞利是，第二係拜一拜先，真係唔係講笑！」
游游自爆怕去親戚屋企拜年
游游笑言加入娛圈後好怕去親戚屋企拜年，佢話：「因為大家對娛樂圈比較好奇，例如會問某某明星個人係點，問好多八卦問題。」游游話喺網上學識可以用兩句話應對，分別係「關你咩事」同「關我咩事」，之後游游仲化身小天使演繹呢兩句說話，可愛指數爆標！嚟到最後一集，「問題少女」游游繼續講多錯多，激到鼎爺生蝦咁跳，鼎爺話：「梁醒波講過，呢啲叫搭棚竹，包頂包駁。」喺旁食花生嘅肥媽聽完笑到標眼水，場面搞笑。
最Hit
