發佈時間：15:56 2023-12-25
《萬千星輝頒獎典禮2023》將在下月14日在澳門舉行，日前無綫公布各獎項的十強名單，視帝視后之爭當然激烈，「飛躍進步女藝員」戰情同樣難分難解，不少網民認為是「東張女神」何沛珈、炎明熹、傅嘉莉，以及憑《新聞女王》人氣升的何依婷四人之爭，大比數更認為以何沛珈呼聲甚高！
何沛珈今年包攬主持、司儀及劇集三方面，參與的劇集及節目包括《愛‧回家之開心速遞》、《新四十二章》、《寵愛Pet Pet》、《新聞女王》、《東張西望》、《請1日假去旅行》、《身體最誠實》及《萬千星輝賀台慶》等，當中在《新聞女王》中雖飾演單元角色、排球員「廖子珊」，哭訴慘被教練性侵的過程時，被讚演技到位，甚至引起內地網民注意及讚美，更指她是佘詩曼接班人！
「飛躍進步女藝員」戰情激烈之際，何沛珈即「加料」，在聖誕佳節時「派糖」，在ig分享多張索相，相中的她冒着嚴寒，一身索爆低胸晚裝在戶外拍照，完全是「寒峰送暖」！同時她被發現跟緋聞男友阮浩棕早前一起做義工，在兒童癌病基金的聖誕派對中，大派禮物兼唱歌表演，獲網民力讚夠貼地及親民。
當日的派對活動，是邀請一班病童和家長前來，除了阮浩棕及何沛珈外，喬寶寶和布偉傑更粉墨登場，化身為聖誕老人大派禮物，而何沛珈除了在場唱歌助慶，更自備禮物送給現場的小朋友，出心出力！派對中她更被大批小朋友包圍要求合照及簽名，前呼後擁的叫她『Luna姐姐』，正是她在《愛‧回家之開心速遞》的角色名字，現場猶如粉絲聚會，當中更有家長說要投她「女飛躍」一票！何沛珈接受東周網訪問，說她本身也有加入無綫的義工隊伍，更直言：「做義工其實係一種救贖！」
何沛珈說：「參加活動之前，我知道參與嘅小朋友全部都係曾經患過癌症、或者依家患病中，有啲係長期病患。因為我有屋企人係有受過癌症折磨，所以我聽到係去兒童癌病基金舉辦嘅聖誕party，我個心其實係乸住乸住。我去之前，就決定咗一定要畀一個好開心嘅聖誕party佢哋，所以之前諗咗好耐，究竟送啲咩小禮物畀佢哋，因為聖誕節係收禮物嘅節日嚟㗎嘛！我都搵咗好耐，最後就訂咗兩大盒迪士尼公仔造型嘅棒棒糖，亦都好好彩，當日咁啱有贊助商送咗我一大箱豬仔嘅產品，仲有一個迷你版榨汁機。」
何沛珈做過多次義工，包括探訪長者、智障人士或參與派飯活動，但跟兒童有關的義工活動，只有一、兩次。「我覺得今次畀我嘅感覺非常之唔同，因為喺未入行之前去做關懷小朋友嘅活動，佢哋都開心嘅，但係嗰種開心，係來自於玩遊戲同收禮物。但今次好唔同呀，佢哋就算未必收到我送嘅禮物，但淨係見到我，見到一個喺電視機出現嘅姐姐，佢哋就已經好開心，仲排隊搵我影相。佢哋話好鍾意睇我嘅作品，係咁叫我『Luna姐姐』。」
「我覺得唔只係我畀快樂佢哋，我喺佢哋身上得到一種認同，更得到一份演藝工作嘅真正意義。所以我畀心機磨練演技、做好個節目、演好套劇，係因為真係會有人睇，亦都會有人因為你而快樂同感動！」
