發佈時間：15:10 2023-12-04
劇集《鐵馬尋橋》當中的鄭嘉穎、馬國明、黃嘉樂、林子善與唐詩詠，因劇中餘演兄弟姊妹建立感情，劇集播畢13年，眾人組成的「鐵馬家族」經常聚會。一個月前唐詩詠貼出「鐵馬家族」全家福，卻不見大哥鄭嘉穎，更有網民翻出上一次齊人的合照，已是2021年的事，更傳出黃嘉樂結婚時都不齊人，惹起鄭嘉穎與馬國明不和揣測。沒想到於11月30日鄭嘉穎在活動上接受傳媒訪問時，直接以「浪費時間」回應。
浪費時間嗰啲嘢就要cut
鄭嘉穎在活動上提到多次缺席「鐵馬家族」聚會，表示一日只有24小時，要兼顧家庭便要作出取捨。他表示有家庭是一個原因，疫情又是另一個原因，而且去到人生某一個階段，亦是一個原因，時間一日得24小時想點樣去過，他說：「當到你去到唔同嘅階段你就會明，你會覺得有啲嘢係會浪費時間時，浪費時間嗰啲嘢你就會cut咗佢，咁所以你會用喺啲值得嘅地方。」
鄭嘉穎：想熱鬧咪去熱鬧
受到成長的影響，鄭嘉穎坦言自己愛靜：「我係鍾意靜，可能同我以前成長有好大關係，因為我係一個人自己大，家姐唔係同我一齊，所以我慣咗，唔怕孤獨。反而我而家要適應熱鬧，熱鬧有熱鬧嘅開心，咁所以唔同階段有唔同階段嘅嘢。」鄭嘉穎承認要對待熱鬧要看與甚麼人：「無錯啦，你就係講到重點來。咁如果你想同嗰啲人熱鬧咪去熱鬧，咪去做囉。」對於傳與馬國明不和，鄭嘉穎不置可否說：「大家都識咗咁多年，有咩話唔啱，我諗熟嘅都會明白，唔同階段去做唔同嘅嘢，咁佢去到呢個階段，佢都會明，有啲嘢係要取捨。」鄭嘉穎暗示不會出席馬國明婚禮：「如果要離開一段時間，咁會有啲難搞囉。」
網民對鄭嘉穎的回應有不少睇法：「咁X有資歷嘅藝人都咁答，佢嗰班人應該真係好X煩」、「其他人唔知，睇個款林子善應該幾煩」、「食餐飯都話浪費時間」、「同黃智賢係真心朋友，見到佢心情開心好多，最緊要啱傾。其他酒肉朋友，應酬式見面，浪費時間」等。
犯眾憎事件簿
鄭嘉穎寸嘴都不是新鮮事，過去多年，他都曾經出現過不少犯眾憎事件，幾下幾宗就較令人深刻。
1.踢佘詩曼落車
於2009年鄭嘉穎曾與佘詩曼有過一段情，但二人一直不認戀情，佘詩曼被發現於鄭嘉穎位於西貢南圍村屋過夜，二人同車離開時被記者發現，鄭嘉穎為了擺脫記者而搏命踩油飛車，最後更在情急之下，於經大埔仔村村口狠心撇下佘詩曼，要佘詩曼截的士離開現場。
2.林子善爆曾遭踢鞋
同鄭嘉穎同為「鐵馬家族」的林子善自爆在2010年拍《鐵馬尋橋》之前，一直覺得鄭嘉穎好串，林子善爆指第一次接觸鄭嘉穎是在化妝間，當時鄭嘉穎望了他一眼，就踢走他對鞋，之後就繼續睇劇本，不過鄭嘉穎就笑指對事件完全毫無記憶。
3.鼎爺暗寸公司「寵壞鄭嘉穎」
2012年鄭嘉穎拍無綫劇《拳王》時又被同劇演員圍插，指鄭嘉穎曾經因為手痛發忟憎兼爆粗鬧人，搞到要黃浩然做和事佬圓事。有傳媒就向在劇中飾演評判的李家鼎查詢，李家鼎力斥鄭嘉穎經常發脾氣外，更暗寸公司「寵壞鄭嘉穎」，狠批鄭嘉穎本身冇人緣、冇專業精神，又冇演員道德。
