佘詩曼賀母76歲生日搞壽宴 送上新衫冧講I love you

更新時間:16:52 2026-11-21
發佈時間:16:52 2026-11-21

佘詩曼(阿佘)和媽媽的感情一向好好,經常陪伴在側。孝順的她,日前才帶媽媽去吃麵,過了幾日就為媽媽擺壽宴慶祝76歲生日,還親自幫媽媽選購靚衫出席。她在社交平台貼出母女合照,大講三次:「I love you!」

三度示愛

阿佘寫道:「又到呢位靚女牛一喇~專登買咗件靚衫畀佢,睇吓佢今日幾sharp醒!見到你今日咁開心,我嘅開心指數都爆哂錶!都係嗰句啦:I love you!I love you! I love you! (重要嘅事要講三次」

阿佘從後攬實媽媽,笑到見牙唔見眼。而一頭銀髮、戴着圓框眼鏡和大耳環的佘媽,同樣笑容燦爛,穿上阿佘親自買給她的橙色中式刺繡新衣,更顯得面色紅潤,精神飽滿,畫面溫馨。

收兩個精緻蛋糕

壽宴在酒樓舉行,佘媽收到兩個精緻的生日蛋糕,一個是充滿中國風的雙層紅金蛋糕,上面飾有立體的金色錦鯉;另一個就是鋪滿新鮮士多啤梨的巨型忌廉蛋糕,朱古力牌上寫有「Happy Birthday Lily」。
阿佘曾透露5歲時,爸爸不幸交通意外離世,媽媽母兼父職養大他們三姊弟,所以她知道媽媽辛苦,加上佘媽曾經大病,令她更加珍惜眼前人。

延伸內容:佘詩曼Man姐上身睇BIGBANG  鄭希怡女兒秒變小粉絲
延伸內容:佘詩曼減產陪母 為好友鍾麗淇病況解畫
延伸內容:佘詩曼睇騷遇粉絲攔截索合照 撳低手機有苦衷