八両金平反星爺為人 怒轟無良導演 望子承父業

更新時間:11:00 2026-11-19
發佈時間:11:00 2026-11-19

90年代的諧星、現年72歲的八両金(原名︰葉競生),憑藉極具辨識度的「冬菇頭」、粗獷外貌,以及全身戴滿粗重金鏈、金戒指與金錶的誇張造型,而深入民心。他在1990年代初由幕後轉戰幕前,在港產片中以特約演員身份出道,多飾演醜角或草根人物,但因其自然的喜感,迅速在影壇突圍,演藝生涯的巔峰,莫過於成為周星馳(星爺)的御用綠葉。他先後參演《食神》、《算死草》及《千王之王2000》等多部經典喜劇。

但經歷1997年金融風暴後,八両金將事業重心轉移至內地,近年主力接拍網絡大電影、商演及登台獻唱,更涉足美容及服裝等實業生意。而他亦緊貼潮流,活躍於抖音等短片平台及直播帶貨,常以招牌金句與網民互動。日前,他接受網上頻道訪問,分享昔日拍戲時遇無良導演、大爆星爺為人及對囝囝的期望等。

心地善良

雖然星爺的個性,過往多次被藝人及工作伙伴批評,但曾跟星爺合作的八両金卻有不同睇法,他坦言︰「佢拍戲好認真,每個鏡頭都跟到足,我哋演老百姓,唔知拍乜,但都拍十幾次。佢係好專注,我了解,因為係工作,自己盤生意,拍戲要對得對住觀眾。佢以前公司喺九龍,佢對我同個仔都好好,佢會叫人買嘢畀我個仔食,佢鍾意細路仔,心地善良。有段時間大陸反得佢好緊要,我哋兄弟之心在心中。」他表示跟星爺拍戲期間,通常1、2take便完成,甚少NG,更即席「演技大師」上身,示範演繹「白痴」和「賊」的分別。

反擊導演

從影多年的八両金,自言「未受過委屈」,但在剛出道時曾遇過一名無良導演,當時他是臨時演員,飾演群眾演員,要跟主角一同在賭錢,但群眾演員們了無反應,結果遭導演爆粗鬧足4次,他為臨時演員抱不平,開口反駁︰「若果人哋做到,就收200萬啦,就唔使攞200蚊。佢問我邊個?我話扮黑社會,一除衫就係黑社會,即時嚇一嚇佢。」

望子接棒

作為帶子洪郎的八両金,其子葉小霆今年已約32歲。對於囝囝的發展,他說︰「仔大仔世界,百分百支持佢。佢成日同我拍戲、登台,佢會收幾千蚊利是唱歌,但啲粉絲望住佢唔望我,成群人同我仔影相,佢搶我飯碗。其實佢鍾意做幕後、唱歌;我想佢做生意,中國、東南亞市場好大,做我嘅洗頭水、服裝生意,佢可以一邊做生意,一邊做娛樂圈。」 

延伸內容︰反擊八両菜 八両金晒肌 做椅上壓證冇生癌

延伸內容︰控訴八両金惡行 八両菜:佢患癌 八両金反擊:佢犯口孽

延伸內容︰離婚26年激罕合體! 八両仔望父母復合 八両菜開金口唱《似水流年》送父子