胡楓羅蘭公開 爆「黃昏戀」 修哥親證張家輝劉德華暖心舉動 ︰對我非常之好

更新時間:11:00 2026-11-16
發佈時間:11:00 2026-11-16

資深演員胡楓和羅蘭日前接受區永權主持的 TVB娛樂訪談節目《一周星星》,訪問中大談多年來合作點滴,更親自回應外界傳足多年的緋聞,爆笑連場。

康復後活動自如

修哥早前因突發急性膽管炎引發膽石堵塞,一度入住ICU(深切治療部),康復後坦言身體「仍需努力」,但強調活動自如:「唔單止飲茶,仲可以出去應酬,不過已經推咗一啲,人多嘅地方唔去。」至於飲食,修哥大大聲話:「咩嘢都食。」羅蘭姐即場踢爆:「佢睇清楚菜單之後,就會話『呢個我唔食』。」修哥被老友篤爆,場面溫馨又搞笑。

二人又談到演戲方面的學習對象,修哥表示會看粵語片和西片及觀察別人演戲來學習,羅蘭姐則憶述前輩梅綺演戲的專業態度,令她印象深刻。雖然羅蘭姐昔日在《神鵰俠侶》的裘千尺造型夠晒經典,但她自爆當初卻遭到媽媽嫌棄:「阿媽話『睇到你呢個樣,我就唔想睇,成個TVB咁大,冇人肯做,係你至做咋,傻嘅你!』」不過羅蘭姐就話自己很喜歡這個角色。另一邊廂,講到《歡樂今宵》年代,修哥當年60歲做仰臥起坐(Sit Up)畫面曝光,完全不輸年輕人,他謙虛表示:「可能平時多行路、多做運動,所以有咁嘅效果。」

回應「黃昏戀」緋聞

而就傳足多年的「黃昏戀」,二人毫不避忌大談。修哥笑言:「係呀!一Pair 好耐㗎啦,70幾年。」更豪言:「你夠膽問我就夠膽答。」相當霸氣。這段「黃昏戀」連他們身邊朋友都覺得似層層,好友連炎輝膽粗粗公開爆料,以及修哥透露緋聞最初由內地先傳開的趣事,羅蘭對此亦一笑置之,坦言彼此只是相知相交數十載的靈魂知己,令這段廣受關注的「緋聞」最終在笑聲中落幕。

演唱會後台暖心滿載

此外,修哥更透露早前在紅館舉行《修哥九五至尊無限楓騷演唱會》後台,張家輝與劉德華暖心舉動:「演唱會最後尾我好攰,降到落後台嘅時候我成身汗,佢(張家輝)同劉德華就同我換衫同我抹汗,佢哋兩個對我非常之好。」後輩的貼心舉動令修哥相當感動。

延伸內容︰胡楓走出ICU 大病初癒首現身 獲紅顏送吻兼補辦演唱會慶功 

延伸內容︰94歲胡楓突發病入ICU昏迷 4 日  拍片報平安:鬼門關走咗一轉

延伸內容︰修哥胡楓以94歲高齡紅館開個唱 延續「楓騷傳奇」終極挑戰世界紀錄

延伸內容︰胡楓九五至尊演唱會 | 陳奕迅驚喜現身 爆N年前修哥超難忘「一番話」