更新時間：17:07 2026-11-12
發佈時間：17:07 2026-11-12
發佈時間：17:07 2026-11-12
何佩瑜（Jeana）近日亮相伍詠薇主持的節目《九運會客室2》，大爆當年「𡃁模」時代的出道經歷，同行女星之間的明爭暗鬥，當中更牽涉有人找一位男士去「搞」自己，慶幸該男士最終沒有出手。
伍詠薇覺得好恐怖
何佩瑜指該男士曾向她提及此事，「佢其實唔熟嘅，𠵱家喺邊個都唔記得。總之嗰陣時就話『你知唔知呢，阿邊個邊個呢，叫我搞你』，佢話同我無怨無仇，做咩要搞我。我都諗緊搞嘅意思係想刮花塊面，定係整蠱或者點樣？」伍詠薇直指覺得好恐怖，何佩瑜就認為對方是出於競爭與妒忌：「我諗係競爭囉！」
明爭暗鬥批踭
𡃁模全盛時期競爭激烈，何佩瑜表直指當年一班女星為求上位，明爭暗鬥得好犀利，「裏面真係好多是是非非，我記得台上面大合照，啲批踭真係呢。」她即場示範即將合照時，被人用踭頂去後面：「跟住我經理人就靜靜雞喺後面推返我出去囉。」
拍《喜愛夜蒲》怕醜
其後她轉型拍電影《喜愛夜蒲》，何佩瑜表示當年拍第一集時，雖然形象火辣，但自爆其實非常怕醜，拍親密鏡頭時要求清場：「盡量少啲人，會舒服啲，都正常嘅，都係女仔嚟。」
延伸內容：何佩瑜跟翁子光「再見亦是朋友」 沙田車公廟幫舊愛祈福？
延伸內容：何佩瑜神神秘秘客串做DJ 計劃望為哥哥搞70歲生日派對
最Hit
