更新時間：17:25 2026-11-07
發佈時間：17:25 2026-11-07
發佈時間：17:25 2026-11-07
方力申今日（7日）第3年支持匡智慈善跑樓梯大賽。7年前，他完成了40多公里香港環島泳，不足兩個星期後，他就要挑戰由香港游到澳門。他笑言太太頗為擔心，經常叫他不要勉強，「佢話我近50歲多過近40歲，𠵱家啲心臟有問題嘅人又年輕化咗，跟住佢話⋯⋯即係仔細老婆嫩。」
目標1,000萬
不過，小方表示團隊有獨木舟護航，保護措施充足。他透露表示，現時已有500萬善款，目標是籌夠1,000萬。問到準備工作，他坦言現時最主要是休息、做物理治療和按摩，減低左邊膊頭舊患對身體影響。
提到早前在節目大爆自己投資NFT慘蝕，究竟蝕了幾多錢？小方說：「梗係唔講得啦！講完之後，我老婆日日都問我，話畀佢知啦，最多唔同奶奶講。」
劉浩龍被Bob拖累
同場出席的還有劉浩龍、顏米羔、許惠菁等，剛參加完7層賽事的劉浩龍感覺輕鬆，笑言去年被林盛斌（Bob）拖累，但今年換了許惠菁後就「精神晒」。問下年會不會參加75層賽事，他斬釘截鐵地說：「唔會！」但他試過有一次打風，令大廈升降機跪低，結果他行了30多層樓梯落街。問他是甚麼驅使他要出門口？他說：「因為我要落街食嘢。」
最Hit
