更新時間：16:41 2026-11-07
發佈時間：16:41 2026-11-07
發佈時間：16:41 2026-11-07
劉丹和馬海倫今日到樂富出席活動 ，對於兒子劉愷威早前公開認愛，認戀上黎紀君，劉丹笑容滿面，透露見過未來新抱，「只要仔女開心，我就開心。」身旁的劉太亦讚黎紀君：「幾好呀！」
不干預婚事
劉丹透露，早前外出用餐時，跟黎紀君見過面。他指家人嚴格規管他的飲食，所以他吃得很清淡，無味道。提到黎紀君是甜品高手，可以製作低糖糕點孝敬他？劉丹即笑着說：「得喇！到時食咗再話你聽，哈哈！」又說不會催促兒子再婚，插手干預他的婚事，「自然發展，唔可以夾硬來，最緊要開心。」
否認人工高累《開心速遞》停拍
提到處境劇《愛·回家之三代同糖》收視和口碑一般，要加入《開心速遞》舊有演員救亡，劉丹和馬海倫表示都有捧場，認為觀眾和演員都需要時間習慣。
單立文早前指劉丹的薪金「一個頂十個」，問是否因此才停拍《開心速遞》？劉丹說：「唔係！係一場誤會，佢講你都信？我估咁大間公司，唔會因咁嘅問題而停拍。」馬海倫就補充，稱單立文薪金也高，熊家一家人也高薪。
最Hit
