更新時間：12:15 2026-10-28
發佈時間：12:15 2026-10-28
發佈時間：12:15 2026-10-28
隨着HOY TV處境劇《你的保安．李寶安》開播，電視大戰一觸即發，無綫的《愛．回家之三代同糖》馬上找來樊亦敏和歐瑞偉「歸隊」。樊亦敏是次在劇中飾演龔喜，因受傷獲嘉冰（車婉婉飾）收留暫住；由於龔喜生性樂天又愛及時行樂，久而久之雖成功將冰冰感染成「快樂唐師奶」，但同時亦將冰冰變成「購物狂」，令唐芯（李茵彤飾）苦惱不已，因而引爆連場笑料。
廿年戲服依然啱著
昨晚最精彩一幕，莫過於52歲車婉婉與55歲樊亦敏，二人一個復刻自己經典角色《皆大歡喜》萬貴妃，一個繼中秋節後再度冧莊扮嫦娥。雖然2人均已年過50，但著起古裝依然省鏡萬分。翻查婉婉20多年前拍攝《皆大歡喜》的同款萬貴妃造型，風采不減當年，絕對是逆齡變靚表表者。
相隔20多年再度萬貴妃上身，婉婉坦言很感動：「其實真係諗都冇諗過20幾年後會做番萬貴妃，呢套係當年少不更事嘅婉婉第一套戲服，公司都仲Keep得好好，見到件衫仲寫住車婉婉皆大歡喜，係好難得嘅回憶，製造都製造唔到出嚟」、「同埋廿幾年前幫我梳呢個頭嘅燕姐，今次都係佢幫我梳番個頭，令我哋喺清水灣電視城嘅回憶一下子返晒嚟，我就覺得好感動。以前成套《皆大歡喜》頭飾嘅一粒一珠，都係佢自己釘㗎。」最出奇是戲服依然啱著？她回應：「居然完全唔需要修改，原來生完同未生，我個人都係差唔多厚同闊嘅。」
延伸內容︰「賈名媛」邱芷微驚現《三代同糖》 飾心機女同車婉婉「鬥唱鬥跳」！
延伸內容︰愛·回家之三代同糖｜樊亦敏歐瑞偉強勢加入 車婉婉親回吳若希被雪傳聞
最Hit
