發佈時間：11:23 2026-10-26
TVB真人騷戀綜《女神配對計劃2》 剛於周日（25 日）播出的第八集，何沛珈（Roxanne）和「隱藏女神」梁超怡的「心跳電話亭」，同樣選擇「冷氣男神」方智弘 （Oscar），
打破高冷
當中，Roxanne 與Oscar 的互動較搞笑輕鬆，二人連番笑場，氣氛歡愉。二人今次均本著「趁機講清楚各自內心疑問」的想法步入電話亭，期間還未抵達電話亭，Oscar已一再強調對Roxanne 選擇自己感到好奇，最終Roxanne坦承道出第一次「唔撳燈」及上一次「畀鏈」Oscar 的全部原因；Oscar亦似乎頗為受落，不但難得給予Roxanne大量eye contact，還應Roxanne 要求對望十秒，Oscar事後亦坦承與Roxanne相處輕鬆自在，還曾以「幾搞笑」形容Roxanne：「我一直都覺得佢高冷，佢今次令我感覺佢係主動嘅，有種可以好自然地同佢溝通嘅感覺，我覺得我哋有再行近咗一步。」
其實想更了解Roxanne的，除了Oscar、還有Tony、及還未有明確目標的李爾晨（Kyle）及吳俊峰 （阿Mark），當中阿Mark更向Roxanne送上親手編織的冷帽，令Roxanne大為感動，更不介意整亂髮型即席試戴，Roxanne：「因為手工製嘅嘢要花好多心機同時間，所以我覺得嗰下好Warm。」Mark亦極有風度表達對Roxanne的好感：「因為（我嘅）對手太強，所以送咗先，都希望有多啲機會同你交流吓。」
電眼攻勢
而梁超怡為免被淘汰，在「心跳電話亭」全程採取「主動」攻擊，先藉「有冇戴Con」打開話題之餘、還乘機與Oscar來個「密集式眼神交流」，「電眼攻勢」令花生團亦大嗌「頂唔住」；隨後任務是食鞋帶糖的二人，期間不少互動均屬「甜爆黃金畫面」。連主持阿Bob忍不住說：「（超怡）個眼神真係不得了。」最終「怕醜仔」Oscar揚言「竭一竭」，皆因玩到衣衫盡濕！ 而二人互動最啜核一幕，是Oscar問超怡為何揀自己時，超怡坦承回答：「因為你個鼻，我鍾意鼻高嘅人。」之後二人話題伸延至「混血」及「大眼睛」，期間超怡一再主導話題，令Oscar 最終給出「我鍾意大眼嘅女仔」的答案，超怡聞言勁冧回應：「我鍾意你呢個回答。」氣氛極粉紅。
延伸內容︰女神配對計劃2│何沛珈慘遭網民鬧係綠茶 Oscar承認係罪魁禍首
延伸內容︰女神配對計劃2｜何沛珈被負評追擊爆喊 10年前舊友揭真實人品
