發佈時間：16:38 2026-10-16
陳曉華與陳瀅於《璀璨之城》中，先後和張智霖有激情戲份，就昨晚（10月15日）劇情指由陳瀅飾演的記者霍佩樺（Sarah），為求與張智霖飾演的官孝賢達成合作，在鏡頭前近乎全裸上陣，展現完美身段，節目播出後瞬間成為全城熱話。昨日陳曉華、陳瀅齊齊出席宣傳活動時，二人被問到同張智霖激戰感受時，她們都話好緊張。
陳曉華未試過咁激 事前好緊張
陳曉華在劇中被賜死，與張智霖有激情戲份，她表示不捨得，前三集已非常緊湊，之後陳瀅會幫忙討公道，亦會有場面再出現交代故事。她指劇中有好多第一次，包括拍激情親熱戲，與張智霖前後拍了三次，事前好緊張因未試過咁激，但原來理性處理壓力便少很多。她稱袁詠儀沒監場，監製有以她的角度與張智霖預演場口給她參考。
上演「腿張開」挑戰電視尺度
張智霖與陳曉華「壁咚」並伸手入裙底的一分鐘肉搏戲碼，已經夠吸睛，昨晚（10月15日）陳瀅與張智霖上演「腿張開」一幕，再度引起話題。飾演女記者霍佩樺Sarah的陳瀅為了與張智霖達成純粹的利益合作，不惜主動上演一幕極致大膽的「全裸誘惑」，大方展現身材任影唔嬲，火辣指數爆表，挑戰電視尺度。
花9個月時增肌練patpat
首次挑戰大膽除衫戲，陳瀅坦言現場緊張萬分，更爆出拍攝時的驚險趣事：「拍第一個 Take 時因為太緊張，除褲時條底褲黐住咗，差啲一嘢成條除晒！嚇到攝影師哥哥大嗌慢慢嚟！」陳瀅又稱收到劇本已經很喜歡這場：「監製話放心好簡單，一個back shot（背影）上半身除衫露個背就得，但係我覺得呢場戲唔係sell性感，所以可以拍得大膽同深入啲，出嚟效果會更好。我為咗呢場戲，用咗9個月時間增肌減脂，不斷做gym，主打練下半身不停練patpat（臀部），本來我一直都冇乜自律做gym ，但係因為呢個角色，令我養成咗健康嘅生活習慣。」談到與張智霖首度合作，陳瀅大讚對方非常有默契，更爆料指辦公室挑逗那一幕，其實是 Chilam 嫌劇本不夠張力而親自「加料」大改劇本，加入了更多曖昧的挑逗互動，才成功營造出這幕張力十足的化學反應。
網友笑言兩兄弟都係大贏家
張智霖飾演的官孝賢與吳卓羲飾演的官孝君兩兄弟為家族接班人爭奪戰，但網友就笑言兩兄弟都是大贏家，張智霖就可以同陳曉華、陳瀅連場激戰，而吳卓羲就同張曦雯戲假情真，做唔做接班人都冇所謂啦！
延伸內容 : 吳卓羲冧認見咗家長 大讚張曦雯：做女朋友就梗係冇得頂！
延伸內容 : 張曦雯與吳卓羲抱同一貓咪揭戀情
