發佈時間：17:57 2026-10-02
陳子聰與老婆何超儀（Josie）日前一同作客鄭裕玲（Do姐）的YouTube節目《The Do Show》。大病初癒的陳子聰親身同框現身，精神狀態極佳、容光煥發。
成功戒除煙酒
經歷過生死考驗，陳子聰現已戒除煙酒，生活極度規律。他對生命有了全新體會，坦言：「喺醫院嗰陣時，我以為自己會死，第一次再飲到水嗰刻，感覺就好似人生第一次飲水咁。」他坦言現在想專注身體，甚至想早日不用工作，因為自己的身體情況「未達標，未去到穩定位置」，仍需要很多時間去復元。
塞了4條血管
何超儀回億老公在澳洲留醫時陷入重度昏迷長達2個半月，當時當地醫生曾打算將他當作植物人處理，但她堅信老公有意識，用歌唱老師教過的「用舌頭打圈」動作在耳邊發指令，陳子聰竟聽懂照做更發聲，奇蹟開啟康復進程。
談及這10年經常出入醫院，接受多次重大重建手術，陳子聰更自爆去年再做開胸搭橋手術。何超儀說：「佢游游吓水頂唔順，唔知佢咩頂唔順，塊面又冇青。」幸得陳子聰的私人醫生Iman看到，立即送陳子聰到急症室找心臟科醫生，「有4條血管塞咗，因為俾肋骨遮住，睇唔到血管，要做傳統開胸手術。」並笑指老公所有手術都體驗了，但他心口仍有未處理好的「計時炸彈」，暫時只能保持現狀，但最好能做手術，要多等幾年，手術後就能恢復劇烈運動。
公開感謝老婆
二人結婚23年，何超儀陪陳子聰走過生死，Do姐回憶3年前跟何超儀的訪問，她跟何超儀閒聊時說：「你咁愛你Husband嘅」，何超儀第一時間回答：「梗係啦，咁好嘅老公去邊度搵呀？」事隔3年，Do姐再問到何超儀：「你愛唔愛佢呀？」何超儀扮作淡然：「愛嘅！」多年來獲何超儀無微不至照顧，陳子聰多次泛淚感激老婆，直言是對方救了他一命。他深情告白：「佢非常Unique（獨一無二），冇文字可以完全形容到佢，真係好感謝佢喺呢種情況下咁照顧我。」
延伸內容︰何超儀爆老公大病瀕死遊陰間睇馬戲 急call師傅出手拆返陽間
延伸內容︰UFO一詞再度翻hit 何超儀周星馳堅信「天外來客」：我看見了UFO!
延伸內容︰何超儀為新戲《拾荒法師2》接受特訓練到成身傷 監製陳子聰稱擔心 彭氏兄弟12年後RE-U執導
