發佈時間：17:10 2026-09-18
正在熱播上映，刻劃人性的喜劇電影《我未許願先吹蠟燭》，由周鉅宏、胡錦筵執導，演員包括柯震東、 梅靜妍、金燕玲、邱士縉（Stanley）及陳靜（DaDa）等。電影接連入選意大利遠東國際電影節、紐約亞洲影展及台北電影節國際新導演競賽。故事由真人真事改編，小女孩JOJO拾到賭場百萬籌碼，眾人用盡心思，希望將籌碼換成幸福人生。
金燕玲讚柯震東、Stanley冇演戲包袱
金燕玲指戲中的柯震東及Stanley均沒有因為是偶像而有任何演戲包袱，又讚小演員梅靜妍：「佢好有天份，而且好專心演出，可以用成熟形容，唔會喺片場嘈吵。」至於柯震東增肥20磅，金燕玲說：「佢增肥咗都一樣咁靚仔，好似Stanley一樣。呢啲年輕演員我真係好欣賞，沒有任何包袱，演出都係由角色出發，佢哋演出非常好。」
Stanley稱人生只入過一次賭場
邱士縉（Stanley）今次在戲中演繹暗藏心機的老師，談到是否抗拒接拍角色，Stanley笑言：「唔會抗拒角色，反而好鍾意，演反派、壞人角色最好玩，可以畀大家見到更多變化。」戲中Stanley騙取學生JoJo數十萬籌碼，現實中，他稱：「最多係細個呃過媽媽飯錢，將30元講成50元，學生們當然唔好學呢個壞榜樣。」Stanley表示，有跟導演溝通角色演繹，最難是如何在一、兩場戲之內，令角色更立體呈現。
至於Stanley稱人生只入過一次賭場，他說：「玩過一鋪大細，輸咗大概一、二百蚊就走咗。宜家都冇一百蚊嘅投注額，所以係好耐之前嘅事。因為我唔識玩啤牌，只識打麻將，所以冇去賭場玩。」金姐即笑說：「咦，打牌可以搵我喎！」
柯震東特意來港飯聚
電影在澳門取景，拍攝前柯震東特意來港兩、三星期，跟大家約會食飯，Stanley說：「一開始見他時，他是比較I（內向）一點，比較怕醜，但其實佢係一個很貪玩嘅小朋友，只係比較慢熱。」童星梅靜妍首次跟柯震東及Stanley合作，她笑謂：「佢哋當然靚仔，我見到佢哋第一眼時，感覺好唔同，係靚仔、明星感覺。」梅靜妍表示，不會因為Stanley的壞老師角色而對他反感，反而稱讚Stanley：「佢喺戲外都有搵我傾偈，好照顧我。」至於是否幫忙糾正柯震東廣東話發音，梅靜妍說：「佢有時發音唔正，我會同佢講返點讀。」
《我未許願先吹蠟燭》故事大綱
從天而降的百萬籌碼，讓小女孩JOJO動了幫跑路父親還債的念頭，為了將「天主的禮物」化成現金，JOJO央求來家裡討債的志華替她進賭場代賭。一事無成的志華目標只有一個，就是追回已經變心的妻子，他以為保持房子才有機會追回她，但奈何他連這個月的房貸都繳不出來。急需金錢的兩人一拍即合，通過賭桌上翻轉的牌面，贏錢的喜悅逐漸拉近兩人距離。可久賭必輸，JOJO和志華決定利用僅存的籌碼放手一博，豈料事情並非那麼單純，命運的玩笑讓兩人失去所有，也在那一刻，JOJO和志華才真正收到上天給予的禮物。
