發佈時間：15:18 2026-09-18
由《女神配對計劃》走到第二季，《女神配對計劃2》的話題度居高不下。首季讓無數觀眾大感惋惜的「鑽石筍盤」黃家俊（Matthew），當初在節目中與關嘉敏（Carman）及姜卓文（細John）陷入三角交鋒。Carman當時痛哭形容Matthew是「對的時間，錯的人」，最終選擇保持單身。當時Matthew並未就此放棄，兩人隨後被拍到在南豐紗廠會合，並攜愛犬遠赴西九海濱長廊散步，更曾送上「黃關嘉敏」生日蛋糕慶生。連Carman父親都在節目助攻下「網上見家長」表示滿意，可惜這段微妙的寵物情緣最終仍無疾而終，雙方感嘆拖延太久，決定退回朋友位置。
粉絲們視黃家俊、關嘉敏是一對
Matthew和關嘉敏一直被視為可以發展的一對，粉絲們都對二人很有期望，希望他們終於有一日可以拉埋天窗，不過原來這都只是粉絲們的幻想而已。日前，Matthew就捲土重來參演《女神2》再次追求女神，新一季女神見到都驚訝得眼都凸埋，俞可程斬釘截鐵：「點解今季再嚟參加？」陳若思亦對Matthew甚有保留：「其實唔知佢想點，點解佢仲要參加第二季呢？佢想曝光定點呢？」
Matthew更因為「想揀番個唔係真係咁大情大性」的人，而令花生團極不滿，搞到他被群斥「唔尊重」而即時成為城中熱話，不少網友力斥他不夠專一、太多心，短短時間已經登上熱搜榜。
延伸內容 : 女神配對計劃│ 關嘉敏打風直播被 網友狂問情書內容 Matthew嘴角含春
延伸內容 : 女神配對計劃2│黃家俊Matthew捲土重來追女神 暗寸關嘉敏「一樣嘢」 辣㷫花生團成熱搜！
黃家俊孤獨憔悴行超市
日前，Matthew能唔能夠留底繼續追女神，東姑雖然收到風，但就無謂劇透，不過早前東姑就撞正Matthew一個人孤孤獨獨、好憔悴地現身中環ifc，頭髮蓬鬆又兩手fing fing地到超市購買沙律當晚餐，經過他的身邊，東姑都感覺到那份孤獨感。
黃家俊為最強body女神而戰
另外，東姑都一早收到風，Matthew今次捲土重來，並不是打游擊心態，是有目標而來，而真正目標就是擁有最強body的郭佩文，他的好友同東姑爆料：「其實Matthew好鍾意郭珮文Juliana呢類型，佢成日都讚佢又靚又有氣質，而佢上呢個節目，都有部份原因係貪玩，想參加下比賽咁囉！」而至於他同關嘉敏為何最後都無花果？另一知情人士就話：「Carman真係有諗過同Matthew試下發展，得唔得，都叫做試過，但Carman同Matthew相處多咗，就發現個男仔條件真係好好，份人都好好，只係Matthew屬於鍾意自己多過另一半嘅人，而女仔幾時都係想要一個擺自己係第一位嘅男人，所以佢哋最後都冇喺埋一齊。」
延伸內容 : 關嘉敏徹底放棄細John 同Matthew譜寵物情緣
延伸內容 : 爆姜卓文背住關嘉敏 偷嗒擁50萬粉絲「股惑網紅」CoCo
延伸內容: 女神配對計劃│關嘉敏自爆被渣男hurt 到爆 網友摷出2大嫌疑
延伸內容 : 女神配對計劃︱ 關嘉敏明冧姜卓文 冧爆見過家長姜大衛
