發佈時間：11:33 2026-09-17
現年47歲的古天祥（Carlos），昔日是模特兒出身，後轉型當演員，於2004年加入電視圈，由於他是拉丁混血兒，經常獲派飾演外籍人士，而故成為TVB「御用鬼佬」，參演過不少劇，如《愛．回家之開心速遞》、《有種好男人》、《正義女神》、《夫妻的博弈》等。
早前， Carlos回歸老本行模特兒行列，北上接拍兩條汽車廣告，用足半個月時間，先後飛到5個城市，包括上海、杭州、烏魯木齊、伊寧、深圳等，相當大陣仗。對於是次拍攝過程，他坦言相當難忘，因為拍攝環境相當靚，「我非常喜歡去新疆，因為空氣非常之好，而且環境、地形非常漂亮，好多時去拍攝嘅地方，通常旅行團或者遊客都去唔到。今次去到伊寧一個湖拍攝，個湖靚到一個極點，環境非常寧靜。」他又指今次是第三度到新疆，「我10年前去過，3年前亦去過，俾人嘅印象係廣漠平原，但近幾年，新疆政府努力綠化，我今次去到，竟然好似去咗西歐地方，到處都是樹木及湖泊。實在驚嘆，人為嘅努力，令自然更靚。」
在新疆工作的日子，Carlos都入鄉隨俗，樂於品嘗當地以羊為主食的美食，如羊奶、羊肉、羊肉包、羊麵等，他說︰「我出差多年，都慣咗有乜食乜，其本上少數民族嘅食品、甚至乎四川、湖南嗰啲辣嘢︳我都食嘅，練到一個非常『貼地』嘅肚皮。」
轉型當藝術雕刻師
因着近年香港經濟市道麻麻，幕前工作僧多粥少，Carlos直言︰「以往年輕時，基本上每個月都會有一、兩個廣告去內地拍攝。真的感覺 時移世易。我亦超過一年半，冇拍內地廣告。今次真的感到非常榮幸。」因為演員的機會緊張，所以他亦舖路，踩過界做埋藝術雕刻的路，去年還在中環為其金屬雕刻品開了個展覧會，大展才華。上月，他以「金屬雕刻師」身份現身灣仔會展一年一度的香港鐘錶展，成績很好。他開心說︰「除了接洽工作之外，也得到海內外媒體嘅報道，基本上工作已經排到明年年中。」所以機會都是留給有準備的人。
