更新時間：01:44 2023-11-15
發佈時間：23:54 2023-11-14
發佈時間：23:54 2023-11-14
相隔兩年，黎明回歸紅館，《Leon黎明紅館演唱會2023》今晚（14日）正式開鑼，金曲連環唱，掀起無限集體回憶，更貫徹勁歌「伴」舞的作風！ERROR成員肥仔（梁業）是今次個唱的舞蹈總監之一，但未能打「動」天王即場獻藝，在眾舞者隨《越夜越有機》等快歌熱舞時，黎明依然是坐着或站着唱，你有你跳，我有我唱，但整個場面是零違和感，全場樂迷更亢奮！
淨唱唔跳，黎明解釋：「因為我跳舞唔好睇，交俾dancers陪大家跳囉！可能我睇多幾次，就會學識點樣跳舞，我都係繼續唱歌俾咁多位朋友聽啦！」唱歌，當然是黎明最耍家，爆金句也是強項，身為金句王的黎明，這晚說了一個發人深省、關於「對不起」的故事。黎明說有一對父子同住多年，有天兒子說要結婚：「個仔同爸爸講：『我已經完全獨立嘞，已經搵到心儀嘅愛人，我會結婚，I'm ready，離開呢個屋企。』爸爸就話：『咁你講啦！You was sorry，你講對唔住啦！』」
「阿仔話做咩要講對唔住，爸爸話：『你梗係要講對唔住啦！你講對唔住先啦！』阿仔話：『冇可能同你講對唔住，我會搬出去之嘛，呢個唔係錯！爸爸話：『唔係！梗係唔係錯啦！我要你同我講對唔住！』個仔都係冇講，佢唔明點解，跟住爸爸話：『你根本就未ready結婚！」
大家都以為黎明說故事後，會演繹《對不起我愛你》，錯了！黎明是借此故事，來表達要維繫婚姻，先要放下輸贏。即使另一半做錯，自己卻願意先道歉，代表對方在自己心中的地位，已遠高一切對與錯，釋出善意，放下身段的去包容。明就明，唔明就黎明！
黎明給了大家一個快樂的晚上，即使散場，觀眾們亦會不歸家，依依不捨，在黎天王的廣告燈箱前，排隊自拍打卡，又或聚集閘外，遙遠張望，視線人浪中找你，期盼再見黎明一面。是核心嘅外圍，還是核心嘅內圍，黎明夜繽紛。
最Hit
