發佈時間：10:56 2023-11-14
鄧麗欣昨日（11月13日）舉行個人演唱會，事隔十多年再開演唱會，鄧麗欣在台上都表演得很感動。鄧麗欣開演唱會更獲女團Cookies隊友吳雨霏（Kary）、楊愛瑾（Miki）、區文詩（Angela）、陳素瑩（Gloria）及何綺玲（Elaine）到場支持。
在演唱會開首，有別於普遍登場形式，先是四位演員進場，在鄧麗欣Stephy身上貼上不同印記，甚有意境，隨後她獻唱出〈分手的情書〉並逐一撕開裹在身上的紙張，為個唱揭開序幕，正式帶領樂迷走進鄧麗欣的世界。
鄧麗欣Stephy唱出重新編曲的〈蝴蝶飛了〉、〈曇花不現〉及〈活到美麗〉，在大提琴的伴奏下，Stephy的歌聲深深牽動樂迷的情緒。緊接是換上以鋼琴伴奏的〈話別〉，還有〈十分・愛〉、〈再見不是朋友〉、〈他不准我哭〉、〈藍鞋子〉及〈電燈膽〉等多首經典歌曲。
叫大家要好好愛自己
去到演唱會尾段，鄧麗欣Stephy終於開口與樂迷打招呼，歡呼聲震撼了整個會場，她再次感謝大家多年來的陪伴與支持：「今次個騷好似好特別咁，因為有太多嘢想講。對上次開騷已經10幾年前，幾多年就唔講，好敏感呢啲。但係今晚再可以喺呢個舞台唱歌畀大家聽，真係好多嘢想講，多謝大家成就咗我嘅任性，係只此一次嘅嘢。咁多年，大家都經歷好多嘢，起起跌跌開心唔開心，希望大家都可以淡然去面對，好好愛自己。我非常愛而家嘅自己，你哋愛唔愛我？」台下即瘋狂歡呼。
多謝大家冇放棄自己
鄧麗欣Stephy續說：「好多謝你哋冇放棄我，仲有好多朋友遠道而來，咁多年後我嘅朋友仲坐喺台下。」此時，台下大叫「Stephy唔好喊！」她接着說：「其實，我今日已經好叻，rehearsal嘅時候喊到七彩，今日已經好叻，喊咗一次啫。仲要揀埋嗰啲相（〈姊妹淘〉大銀幕播放的照片）搞喊自己，唔緊要啦，都預咗，好多謝你哋嚟陪我呢晚，好難忘嘅一晚。大家都成長咗好多，今次呢個故仔都係講成長，好多情緒、好多選擇，其實所有選擇都係自己而成，有好、有唔好，有時會後悔，但其實唔需要後悔，我相信每個都係最好嘅安排。」接着，鄧麗欣又送上〈我未願意〉並感謝台前幕後的單位，更重要是多年來的樂迷：「我知道大家好辛苦，成日唔知道我去咗邊，我又唔係成日update個IG，所以好多謝你哋，我仲係好鍾意唱歌嘅！我希望你哋唔好離我太遠。」緊接是《不要離我太遠》，全場整遍手燈燈海，又是全場合唱的美好時間。
鄧麗欣帶領團隊與樂迷齊齊大合照
安歌部份，鄧麗欣Stephy笑指已經唱盡精心挑選的歌曲，看到台下有樂迷舉起歌詞，她即興清唱〈Fantasy Tale〉（電遊「跑Online」主題曲），讓樂迷大為驚喜。鄧麗欣Stephy說：「點解你哋咁鍾意呢首歌？個個都鍾意打機。其實我啲歌唱到差唔多，咁今日我有五位姊妹嚟咗，雖然唔齊人，但係好開心見到你哋。」台下即大叫「Cookies！」隨後，Stephy帶來Cookies年代的〈最後一塊〉，成為整晚最大的驚喜，她帶領團隊與樂迷齊齊大合照，同時亦代表Stephy 〈Therefore I Am〉 2023演唱會圓滿結束。
吳雨霏、楊愛瑾疑未和解
鄧麗欣開演唱會，Cookies隊友吳雨霏（Kary）、楊愛瑾（Miki）、區文詩（Angela）、陳素瑩（Gloria）及何綺玲（Elaine）都有到場支持，而一直屢傳不和的吳雨霏及楊愛瑾更罕有同場，大方合照，被指是世紀破冰。不過演唱會結束一日，吳雨霏、楊愛瑾都有各出發IG限時動態，唯未見有私下拍的照片公開，二人關係再引揣測。
