發佈時間：12:00 2026-08-25
2005年香港先生冠軍高鈞賢（Matthew），前年自揭與年輕10年的圈外女友、身家「億億聲」的美容院老闆黃梓漫結婚。去年1月，夫妻更迎來女兒高子琳（Liona），一家三口幸福滿瀉！
作為新手爸爸的Matthew，接受本刊獨家專訪時，他自言全靠AI幫手，無論餵奶、掃風、換尿片等應付自如，湊女零難度。由於決定一個夠晒數，故Matthew將所有的愛和精神都放在Liona的身上，期望女兒遺傳爸爸的運動細胞，更希望她能夠成為下一個中國滑雪明星谷愛凌。
不過，近日樓下的鄰居就在網上投訴Liona「沒日沒夜的奔跑」，發出噪音令人無法入睡，接着引發網民狙擊；而Matthew夫妻為保護愛女，更不惜與鄰居及網民駁火！
爭取陪伴
現年42歲的高鈞賢（Matthew），於2005年參選香港先生，勇奪冠軍後入行，輾轉至今21年。前年，他跟身家「億億聲」的美容院老闆黃梓漫拉埋天窗，翌年誕下女兒高子琳（Liona），一家三口現於大灣區生活。日前，Matthew現身自己開設、位於前海的清吧接受本刊訪問，他坦言人生隨着每個階段，都有所轉變：「20歲時喺TVB拼搏，30歲轉戰內地，40歲成家立室，做咗爸爸，責任感大咗，見到佢就開心，更加珍惜家庭，希望人生變得圓滿。」
新手爸爸Matthew，因懂得運用AI，故親力親為照顧愛女，由餵奶、掃風、換尿片皆應付自如，「有咩就上網問AI，好有用。Liona都好湊，佢只係細時有嘔奶問題，嘔好多次，我哋試咗4、5隻奶粉，但飲完都嘔，初時擔心佢係乳糖敏感，最終試咗美國奶粉，就冇事。」他強調生一個夠晒數：「我嘅愛、精神畀晒佢一個，有一個女都好夠，Liona雖然係女仔，但佢好有男仔嘅勇氣，好『大女主』（意即︰獨立自主），佢好鍾意擒高擒低，所以屋企做好晒安全措施，任佢跑跌，佢跌撞之後，就會提升自我嘅意識。」
少賺百萬
轉眼間，Liona已經1歲半，Matthew把握親子時光，除周日定為家庭日外，又不惜推掉多套劇，賺少過百萬元，「我覺得陪伴係最重要，所以現時嘅工作重心，我會放多啲喺自己嘅娛樂公司、做直播度，希望陪伴佢到十歲，咁就無遺憾。雖然之前係推咗工作，但我哋一家三口又接到親子廣告，Liona都幫手賺奶粉錢㗎。」
早前，Matthew豪擲2,250萬元，購入九龍塘老牌豪宅畢架山一號的一個3房單位，他解釋說：「我計劃晒佢讀咩幼稚園同小學；不過，最緊要佢健康、開心，讀到書就讀；另外，好想佢同我一樣熱愛運動，因為運動可以提高人嘅質素，運動係需要努力，有一句說話︰The magic is in the work.（魔法存在於努力之中），希望佢可以成為運動員，好似谷愛凌咁。」
Matthew跟黃梓漫組織新家庭，除Liona外，還有女方與前夫誕下的一對子女，合共一家五口生活。同時為後父的Matthew，愛屋及烏，跟他們如朋友般相處：「因為我喺加拿大長大，都見啲同學一到weekend，就要去stepfather屋企。其實，我同佢哋都相處3年，我都係叫佢哋叫番我Matthew，冇叫爸爸，大家冇壓力。即使Liona出世，都冇忽略佢哋，所以佢哋都好錫妹妹。」
粗口還擊
縱使Matthew一家人樂也融融，但跟鄰里卻出現衝突。日前，他樓下的鄰居在網上發文投訴，指Liona「沒日沒夜的奔跑」發出噪音令人無法入睡。帖文瘋傳，Matthew馬上拍片反擊；可是，他的一句「嫌吵搬去別墅」卻引發公關災難。接看，太太黃梓漫又上載了一段Liona於凌晨4時許，在家中奔跑的閉路電視影片，力證女兒的活動只是好輕微，同時也表示要為「如何讓18個月寶寶坐定定」尋找良方；然而，她的回應不但未能為事件撲火，反而火上加油，結果兩公婆遭到網民狙擊。
跟着，黃梓漫忍不住反控︰「我老公是明星又怎樣？明星就該忍受這種大吼大叫的人嗎？」最後，她將相關影片和言論刪除。眼見太太成為箭靶，Matthew於社交平台撰文披露更多事件的細節，指出「樓下鄰居」曾用粗口辱罵Liona，並表示自己當初建議「搬別墅」的言論確實有失考慮。不過，他強調若有人欺負女兒：「我下次會選擇學識講DXXM！」即會以四字廣東話粗口還擊，護女之心溢於言表！
延伸內容：2,500呎愛巢獨家曝光 爆高鈞賢冧掂27億女強人秘技
延伸內容：高鈞賢老婆拍片自爆「淨身出戶」離開豪門 網友大讚有骨氣、有格調
延伸內容：刑偵12丨高鈞賢每10年一個大轉變 為咗個女返無綫
