發佈時間：16:10 2026-08-17
由《中年好聲音》顏志恆（Benson）、魏嘉信（Cris）和林兆霞（June）及200位小演員合演一連4場的音樂舞台劇《我們都in過的第一志願》，已於日前圓滿結束。在謝幕的時候，Cris更因在劇中能與兩名兒子同台演出而感觸落淚，細仔更馬上遞上紙巾，跳高為爸爸抹眼淚，場面感人；同樣跟兒子同台演出的顏志恆，亦表示畢生難忘。
與兒子演舞台劇超難忘
今次音樂劇吸引了大批圈中人觀賞，包括：腹大便便的王君馨、邵音音、魏秋樺、吳麗珠、岑杏賢、周吉佩、梁浩賢、李佳、劉威煌、周國豐和張佳添等到場支持。
本月17日正是魏嘉信的正日生日，所以大會特別送上蛋糕祝賀，他感動稱：「我真係好多謝HKKTA，因為人生中從來冇諗過，可以同個仔一齊做舞台劇。」同樣顏志恆亦很高興能與細仔顏逸熹同台演出，他說：「我個仔喺呢間學院讀咗幾年，已經有幾年演出經驗，我同佢係第二次合作。佢由無咩對白，到𠵱家有好多對白，甚至同佢有對手戲，呢啲經歷我會永遠記住，係我哋父子之間美好嘅回憶。」
感激太太不眠不休付出
今次音樂劇能成功，全因小朋友們不斷練習的成果。原來他們在暑假前，已開始每日做恆常訓練，至7月開始放暑假，再進行密集式綵排，直到8月的演出。Benson與Cris及兒子們，能順利完成整個演出，均表示要感激太太不眠不休的付出及無限的支持。
而女主角林兆霞看見兩個家庭一條心，亦稱：「我都要多謝我老公，佢都係好支持我，見到你哋兩個家庭咁溫馨，我都要話俾人知，我老公好愛我，我都好愛我老公。」
大讚兒子們表現有120分
兩位《中聲》家族成員，今次能突破自己，在舞台上又唱又跳又演戲，兩位都表示要多謝大前輩阿June ，Cris坦言：「其實自己一直都好想演戲，今次呢個音樂劇，真係滿足咗我好多個願望，最幸運有大前輩傍住，佢教識我好多嘢。」完成尾場後，Benson及Cris還直言要好好表揚兒子，因為兩位都覺得兒子們的表現有120分，比他們做得更好。
延伸內容：李居明打造《新光黃埔綜藝小紅館》正式開幕 劉威煌顏志恆安雅希陳俞霏開演唱會打頭陣
延伸內容：顏志恆伍仲衡首次參與大型音樂劇 黎諾懿 Bob 中一中二生齊撐場
