發佈時間：18:33 2026-07-31
翁嘉穗、向海嵐於今日（7月31日）一起出席香港貓迷博覽會2026開幕禮，翁嘉穗為大會參展藝術家之一，向海嵐則以Hong Kong Pet Club寵物關愛大使身份宣揚寵物急救服務。
為博覽慈善拍賣揮毫作畫
翁嘉穗作為港姐冠軍兼藝術家，更為博覽慈善拍賣揮毫作畫，繪製一幅貓咪觀望風景的背影置於攤位展覽。翁嘉穗接受訪問時，就表示畫作為第二部曲，本來是畫展存貨之一，但因應是次受邀而加工，在原有構圖下繪上小貓與花朵，並利用背影保留觀眾對小貓心情表情的想像空間：「我冇養過貓，係research返嚟嘅。細仔出世嘅時候養過兩隻狗，但因為咬過佢、加上狗吠會嚇醒佢，所以走咗之後就冇再養。」但她仍對小動物充滿愛心，近年有考慮再次飼養寵物。對於畫作拍賣，翁嘉穗表示不追求成交價格：「都係為慈善出力，冇諗幾多錢。（據指有畫作值6萬元會做目標？）6萬嗰幅畫大幅好多，我冇咁進取，都係開心可以做善事。」目前不時分配時間作畫，主力則照顧丈夫鄔友正與兩子。
翁嘉穗笑老公好active 未能退休
翁嘉穗談及早前一家三口到韓國旅遊，剛抵埗便染上流感發高燒，翁嘉穗透露鄔友正仍差少許才康復：「我哋去到第二日就發燒，佢發到39.7度、我都38.8度，反而阿仔第二日就冇事！老公唔戒口、鍾意食嘢，所以仲差少少先好返晒。」至於老公在社交媒體分享旅行患病時，字裡行間一度萌生退休念頭，翁嘉穗笑言大家都曾打算退休，但沒有實質計劃：「佢仲好active，唱歌可能要停一停、差少少先唱到，同埋佢要唱《魔音女團》一部幾分鐘嘅衍生短劇主題曲，我哋兩個都有少少演出！（妳幾多年沒拍劇？）嚴格嚟講係冇拍過劇，今次第一次！（夫妻會同框？）未必會，目前未拍但知道我嘅鏡頭唔少、對白唔多，啱晒！唔好畀咁多我，我驚到時冧廠！」
向海嵐提愛犬失救離世 即激動落淚
向海嵐接受訪問時，談到大力推廣的寵物救護車急救服務，她表示自己曾經為受惠者之一，提及到愛犬Chloe早前因失救離世即激動落淚：「我隻狗仔當時有啲意外，屋企得我年長嘅爸爸冇其他人，所以請寵物救傷車嚟急救。（成功救治？）最後走咗⋯⋯唔緊要我ok嘅，希望多啲其他狗主或者貓主知道，可以有多啲時間救到自己嘅寵物。」向海嵐表示愛犬已達17歲高齡，暫時家中只餘下一歲半的小狗，雖然未有再新添狗隻家庭成員的想法，但笑指愛犬喜歡與貓隻互動玩耍，可惜自己對貓毛敏感：「以前養過兩隻，敏感得好緊要，試過拍拍下劇講對白嘅時候，流鼻水滴出嚟，影響埋工作！」
近日廣東發生「揭陽旺旺」虐待動物事件，引起大眾關注動物權益，向海嵐直呼心痛：「可以唔愛、但唔好傷害！人同動物存活喺同一個世界，佢哋都唔想流浪，用緊自己嘅方法去生存！」她表示在香港同樣有猴子、野豬等動物與人類同存，看待生命應互相尊重。
