發佈時間：15:42 2026-07-29
早前，蘇永康揀選了尖沙咀1881古蹟酒店的西餐廳，為太太舉辦了一場盛大的半百歲壽宴，當晚的賓客星光熠熠，包括：陳奕迅、鄭秀文、黃子華等齊聚一堂，場面熱鬧。
這間備受城中明星和名人追捧的餐廳，背後靈魂人物正是名廚兼老闆劉銘佳（Chef Ken）。多年來，他憑着出神入化的fusion廚藝，俘虜了無數挑剔的胃，就連周星馳、古天樂、周潤發等巨星，都是他的忠實擁𧄌。
西廚冠軍
這間西餐廳的名廚兼老闆劉銘佳（Chef Ken），自小在嫲嫲廚房長大；6歲就開油鑊炸鯪魚球；16歲中三輟學踏入新世界酒店做學徒；19歲勇奪首屆西廚學徒比賽冠軍。隨後，他毅然加入半島酒店降職重新再學藝，又在The Verandah、Chesa、Felix及法國名牌餐廳Gaddi's，經歷長達五年的「魔鬼訓練」，奠定其宗師級的意法料理根基。
Ken與明星結緣的起點，要追溯到17年前，「金牌經理人」黃柏高（Paco）親自到他在美孚開設的第一間餐廳試菜，Ken憶說：「當年，Paco去咗我第一間開喺美孚嘅餐廳，食咗三次飯之後，就帶埋佢嘅員工過嚟，再食咗兩三次，佢覺得好啱食，跟住就問我有冇興趣合作搞餐廳？咁之後，我哋就合作喺柴灣青年廣場開咗第一間。」
星爺口味
兩人合作的西餐廳名為「Palco」，而隨着Paco帶來無數名人和明星客，餐廳的菜式也越做越精緻，更逐漸變成天王巨星的私人飯堂。在Ken的廚藝生涯中，兩位影壇天王的到訪，成為了他最難忘的勳章。第一位是周星馳（星爺），當時由熟客朋友帶領星爺低調現身，初次見面時感覺比較cool、說話不多，點了最愛吃的和牛肋骨。怎料翌日奇蹟發生，星爺竟然再度幫襯！這位「回頭客」的加冕，給了Ken極大的肯定，而星爺隨後更成為熟客。
Ken透露：「周星馳鍾意食和牛嘅short ribs，佢話好味、真係好好食，我記得佢第一次嚟唔係好多嘢講，份人比較靜，我當時諗，佢應該食完就算啦，心裏面諗能夠煮嘢俾佢食，已經係好開心。冇諗過第二日佢又再來喎，佢同另外一個朋友嚟，當日就開始認識，佢多咗嘢講，仲同我講：『佢鍾意食啲乜，又唔鍾意食啲乜，啲餸重點唔可以太肥膩，因為佢要keep fit。』就係咁樣，我開始慢慢了解佢嘅飲食習慣，呢個係一個好好嘅經驗，其實我本身係好鍾意周星馳㗎！」
另一位巨星周潤發（發哥），則為整個團隊帶來了無限歡樂，因為發哥每次來到都極度友善，店內的員工找他拍照，他都來者不拒，甚至深入廚房的「禁地」與洗碗的姐姐拍照，毫無明星架子。Ken表示發哥每一次前來必點「香蒜辣椒炒意粉」。
經歷了海港城時期的熱鬧與煙花海景，Ken月前為了將「精緻料理」的儀式感推向極致，決定將餐廳進駐富有濃郁古典歐洲色彩的1881古蹟酒店。他直說：「之前餐廳喺海港城嗰陣，面向無敵維港，可以睇到煙花，客群主力係商場客及一家大細，之前郭富城都曾經喺嗰度搞過生日會，但做咗咁多年，我想將件事再推去另一個層次，所以決定搬入1881酒店。」他熱情地分享着自己的新藍圖。
食得過癮
早前，蘇永康就在新店的大型VIP房，為太太馮翠珊（Anita）舉辦了一場約30多人的50歲生日宴，賓客星光熠熠，包括：鄭秀文、黃子華、陳奕迅等。當晚，Ken為壽星女度身打造了幾款心水菜式：「我知道好多明星私底下其實好鍾意食辣，無辣不歡。所以嗰晚嘅菜單，我特別設計咗幾款法式細緻的辣味西餐，大家都食得過癮，這就是私房菜的靈魂。」另外，Ken又透露圈內有許多「嗜辣狂魔」，例如：古天樂，他坦言：「古天樂佢好鍾意食蒜片意粉，佢都鍾意食辣嘢，食啲好辣嘅嘢都OK嘅。」連擁有自己食店的古老闆都來光顧，Ken的魅力可見一斑！
