更新時間：16:41 2026-07-24
發佈時間：16:41 2026-07-24
發佈時間：16:41 2026-07-24
阿爸錫女，天經地義，打不還手，受啲委屈，又有咩所謂？不過，大前提係唔好令阿女少條頭髮，生命有危險。
韓國型佬蘇志燮，喺正在熱播嘅新劇《金特務：本色回歸》入面，飾演隱姓埋名嘅傳奇特務，為救寶貝女徐而大開殺戒。第7集講到父女重逢，慶祝生日，但下一秒又要分開，面對暴露身份嘅後果。呢個特務爸爸，想食餐安樂茶飯都難。
矚目新人19歲徐貹旼
《金特務：本色回歸》改編自人氣網漫，係蘇志燮繼《主君的太陽》後，相隔13年重返SBS拍劇，僅播出4集，收視便衝破20%，仲登上Netflix全球非英語電視節目排行榜冠軍，擊敗稱霸多時嘅《鐵拳教育》。
蘇志燮話：「由2004年拍電視劇《對不起，我愛你》開始，就一直聽慣被叫『大叔』。今次係我第一次飾演爸爸，真係有啲唔慣呢個稱呼。」
有幸叫蘇志燮做爸爸嘅，係現年19歲嘅徐貹旼，「兩父女」都係單眼皮。今次係佢首次拍戲，據知佢試鏡時憑1秒落淚，爭贏角色。出道前，佢更曾拒絕同三大事務所簽約做偶像歌手。
蘇志燮劇中打到飛起
蘇志燮喺劇中打到飛起，當中有3分鐘交代佢做特工時嘅回憶片段，全部由AI製成，包括建築物連環爆炸、雪地隧道飛車追逐等場面，逼真到一個點。
其他演員有尹敬浩、崔代勳、孫娜恩同朱相昱。戲外，尹敬浩履行收視承諾，做找數真漢子，連續13粒鐘封口唔講嘢，爭啲被驚喜現身簽名會嘅徐貹旼搞破壞。另一焦點，就係玉澤演客串飾演代號「66」嘅北韓特務，仲捱凍落水拍戲，搞到蘇志燮勁唔好意思。
延伸內容：蘇志燮《無赦之仇》化身「韓版John Wick」打到飛起 現實中寵細17歲太太趙恩靜 結婚滿意度1000%
延伸內容：《鐵拳教育》全球hit爆逾2千萬觀看次數 「阿Sir」金武烈：當然要開拍第2季
延伸內容：超火韓劇《鐵拳教育》6大「原型事件」！現實比劇集更殘忍！
最Hit
