發佈時間：18:06 2026-07-17
早前網上瘋傳一段「生擒賣假波鞋騙徒」的短片，片中就見一名高大年約30幾歲的女士生擒賣假波鞋騙徒，即時引來不少網友的關注和大讚她是「正義女神」、「城中女俠」，得到大家的支持和認同，冇幾耐，東姑就見到呢位「正義女神」現真身，佢原來就係在娛樂圈有「打不死」見稱的歌手鍾雨璇 Ophelia So（前名 蘇慧恩、藝名 O3）。
網民質疑有人搏出位
事後鍾雨璇曾在IG留言：「今日真係大快人心，成功擊敗詐騙集團。」，鍾雨璇因為生擒賣假波鞋騙徒而「一夜爆紅」，她接受傳媒訪問時，就直言痛恨詐騙騙徒，誓要「捉得一個得一個」，女俠精神贏得不少支持者，不過亦有網民質疑：「條女搞一大輪，搵人喺背後拍片， 就係為咗自己搏出位。」但好彩都有網民為鍾雨璇澄清：「附近的人，附近嘅影。」、「是否打爛了你飯碗？騙子先生？」鍾雨璇再度在社交平台出PO：「我沒有搵人拍片send放上網或者畀記者。」
強調在不知情下被偷拍
鍾雨璇昨晚（16日）在社交平台為被質疑一事再度出PO：「希望大家唔好誤會！ 我沒有搵人拍片send上網或者畀記者，我真係在不知情的情況下，畀陌生人偷拍嘅。我拍完個罪犯之後，立即已經delete咗片段，我話畀次機會佢！因為我好趕時間！我已經年紀唔細，冇咗細細嗰好想有名氣嘅意念，兩年都係為咗糊口，做吓主持唱吓歌！#希望身邊嘅人唔好問一啲咁奇怪嘅問題 #我嘅目標只係要幫個朋友拎返啲錢。」鍾雨璇的留言獲不少人支持，有人說：「就算拍都好正常。出咗事，港鐵唔一定協助，開cam影晒大家有保障。」、「咪咁怕事，敢於做正確的事情是作為人的基本，與年紀無關。」、「你都冇做錯事，唔使咁驚。」、「你係受害者，你都係叫啲人小心啲呢條友。」
16歲時星探發掘入行 工展小姐奪冠
現年40歲的鍾雨璇 Ophelia So，16歲時由星探發掘成為模特兒，2009年參加無綫電視歌唱比賽《超級巨聲》未能入圍，至2011年參選港姐廿強止步，翌年當選《第46屆工展小姐》冠軍；2013至2015年時，擔任亞視娛樂新聞主播；2016年參選《大閘蟹小姐競選》奪冠，現時是獨立歌手。曾參與演出ViuTV節目《激玩日本鳥取 Go! Go! Go!》、《Chill Club》等；開電視節目：《吾男吾女》 等。
