發佈時間：15:35 2026-07-11
鄭秀文（Sammi）一連3場《You & Mi 鄭秀文演唱會2026亞洲巡迴終點站－香港啟德主場館》 「 答謝會」昨晚（10日）開鑼。寰亞集團老闆林建岳博士到後台為Sammi打氣，而好友甘比、鍾楚紅和寰亞小師弟Lester在觀眾席捧場。
鄭秀文霸氣登場
一開場，鄭秀文與40位舞蹈員霸氣登場，跳唱〈叮噹〉和〈Chotto等等〉揭開序幕，她興奮表示想感受全場近4萬人歡呼的震撼，觀眾聽話齊聲大嗌「Sammi」。她說：「今晚顧名思義由演唱會變做『答謝會』，雖然可能令你有啲失望，但我應承大家，呢個『答謝會』絕對唔會hea做！睇完包你開開心心、心滿意足！」她鞠躬感謝觀眾訂機票、酒店來捧場，承諾會以有限資源，盡心做最好的演出，並說：「舞台再大，都大唔過今晚你哋嘅愛同包容，多謝！」
劉德華任首場嘉賓
鄭秀文唱〈默契〉後介紹嘉賓出場，最初她賣關子說：「有個朋友本來話第一晚嚟睇騷，我就忽發奇想不如嚟做嘉賓，佢一言九鼎就話『好』！發生延期事件，我再問華仔仲會唔會嚟？（掩咀笑）哎呀，自己爆咗添！華仔就話『一定嚟支持』！」華仔升上舞台，全場歡呼，Sammi說：「我嘅肥佬，今晚嚟咗！」華仔說：「企去中間感受吓，我第一次。」Sammi笑說：「一齊feel吓，我都係第一次，大家都係處女下海。」
他們手拖手走落台登上小黃車，Sammi說：「今晚所有嘢都變成最原始，畀大家感受最原始最真摰嘅設置，麻煩Dancers人力黃包車。」重現《瘦身男女》「朋友號」，勾起全場回憶殺，他們還合唱〈倒轉地球〉和〈衝動點唱〉，與觀眾近距離接觸，全場High爆。
演唱未派台新歌
鄭秀文換上一條紅色裙，首度公開演唱未派台新歌〈隕石與地球〉，第一時間與粉絲分享全新作品。勁fit的她說：「條裙好靚，一試上身就好鍾意，好似條小辣椒！」她還展示手瓜肌肉，全場「嘩」聲四起。之後她演唱〈缺席〉、〈Let go〉後全場大合唱〈我們都是這樣長大的〉。
穿著白色小背心的Sammi出場打碟，與40位舞蹈員演出近10分鐘熱舞Medley環節，〈煞科〉、〈獨家試唱〉、〈螢光粉紅〉和〈星秀傳說〉，接著與KALAI演唱〈信者得愛〉，觀眾一齊舉手吶喊「High High High」！
溫提觀眾保留門票
Encore聲之下，鄭秀文以紅色小花點綴的白色巨型傘裙出場演唱〈終身美麗〉，唱到最後一句，Sammi再表示衷心感謝觀眾的包容和支持。她更溫馨提示觀眾保留門票，「keep好張飛，留返睇一個真正嘅演唱會，唔好到時話唔見咗張飛，我真係幫唔到你。」
她感恩上帝一直帶領給與好能量，「等我知道我唔需要驚，盡力做好自己，觀眾係會接收到。」她似乎意猶未盡，即興清唱一段，又稱「答謝會」是前奏，真正演唱會將會更豐富、是更大的製作。
延伸內容：鄭秀文「答謝會」絕不「HEA做」邀天王劉德華擔任首場嘉賓
延伸內容：鄭秀文演唱會│鄭秀文抱歉個唱要延期 親解安排情況 一連三日改辦「答謝會」減低歌迷受影響
延伸內容：鄭秀文自爆10歲計劃16歲參加新秀 「華星」黑膠碟收錄Sammi值得紀念作品
