發佈時間：10:00 2026-07-12
Pokémon卡近年在全球掀起熱潮，昔日的紙牌遊戲，更成為了實體投資工具。今年2月一張經專業鑑定的稀有卡「比卡超插畫師」，以約合$1.3億港元成交，打破了健力士世界紀錄。
卡牌市場瘋狂，自小已開始沉迷收藏卡牌的鍾培生（Derek），最近亦豪掟$6,000萬，在尖沙咀開設號稱全球最大、面積達26,000呎的卡牌中心「HKTCG」。場內有卡抽、有卡賣、有場地玩卡牌遊戲，更有博品展覽區展示他和各地收藏家的極罕珍藏卡牌。
過去半年，Derek更狂掃近7萬張PSA10（最高專業鑑定評分）的Pokémon卡，他豪氣地說：「我相信我現在持有PSA10卡嘅數量，係全世界最多。」
「變裝比卡超」鎮店
鍾培生以$6,000萬元打造的卡牌王國「HKTCG」上周六﹙4日﹚正式開幕，當日請來紅遍全球的真人版《海賊王》主角「索隆」新田真劍佑擔任主禮嘉賓，成為全城熱話。
向來做任何事都要做到極致的Derek，日前接受本刊訪問時透露，於去年七月，在香港動漫節參與多場卡牌遊戲後重燃儲卡那股熱血。眼見香港人以往買卡總要飛去日本尋寶，當下就萌生一個霸氣念頭：「我要喺香港開一間做得好過東京秋葉原嘅卡店，呢個係開HKTCG嘅初心。」
Derek說其卡店賣點是貨源多，款式齊全，PSA10的評分Pokémon卡更接近7萬張：「自今年二月開始，我同團隊開始喺日本同本地大手掃貨，目前已到店的有四萬幾張，仲有二萬幾張正運送回港，全部都係PSA10評分最高嘅卡。最初心急又驚唔夠貨，有部分係買貴咗，好彩有啲卡都升咗值。其中『變裝比卡超』每張價值要十幾萬元，另外每張價值二萬幾元嘅『梵高比卡超』，我都有六、七十張。」
童年抽卡情意結
天生擁有商業頭腦的Derek，於今年初開始進行這個卡界大project，最初打算在港島新海怡廣場試水溫，但後來卻決定直接挑戰高難度，落戶尖沙咀黃金地段的iSQUARE國際廣場，並一舉包下整層，打造佔地26,000呎的卡牌基地。當計劃落實，他更開行turbo：「我哋1月接洽、2月簽約、3月交場就馬上裝修，到5月27日試業，7月4日正式開幕。」
擁有十三年數碼化娛樂與電競經驗，Derek表示有信心將卡店做得有聲有色：「因為我本身都係一個好大嘅消費者，所以我好明白一個collector要乜，我哋除咗收藏、文化同零售，遲啲仲會做埋鑑證，總之諗到同卡有關嘅都做。」
這份看似瘋狂的投資，背後承載的是Derek不滅的童年情意結：「我自細就好鍾意Pokémon，卡通片嘅主題曲我仲記得點唱。當年開始係收藏《遊戲王》的卡，有部分係要贏出卡牌比賽先得到。到Pokémon出遊戲卡，我就開始沉迷抽卡，無論喺香港定外國，行過玩具舖、7仔、反斗城等，見有卡就一包包咁抽。因為盲盒概念，每次拆開都好期待，總之抽到閃令令嘅卡就好開心。」
太太幫手入卡包
卡中心入口設置了博品展區，展出Derek和各地收藏家的珍藏。Derek將多年來玩卡牌遊戲贏得的《遊戲王》Winner卡和Union Arena（UA卡）公諸同好。眼見不同IP的卡牌近年極具升值潛力，Derek亦 看好未來卡牌市場，他說自己邊學邊做：「我都要慢慢學，會鑽研每款卡流通量高唔高，點解會值錢？其實物以罕為貴，除了罕有亦要受歡迎。有啲特別活動聯乘嘅卡，重印機會少，價值就會越升越高。」
Derek笑言很多同行、朋友和同事玩卡，都會被另一半投訴，但Derek卻甜蜜地表示：「我幸運，老婆（莊雅婷）好支持。」他更自爆新店籌備期間的放閃日常：「有時做到半夜，返到屋企老婆會煮定飯畀我食。雖然她對卡牌並無特別興趣，但見到靚嘅卡，例如Weiß Schwarz（WS）嘅SPY×FAMILY、芙莉蓮、進擊的巨人等，她會覺得靚同鍾意。」
試業期間未請到足夠人手，他透露太太更化身得力的小助手，常常到店幫忙入卡包。有太太做幕後最強後盾，難怪新婚的鍾培生能毫無顧忌地在卡牌界大展拳腳，晉身卡牌大亨。
延伸內容：鍾培生未婚妻曾選港姐 現任民建聯西貢區議員 真身好霸料！
延伸內容：未婚妻莊雅婷孕味濃 鍾培生纏綿愛巢曝光
延伸內容：鍾培生求婚成功｜「富四代」桃花旺盛 11位緋聞女友各有魅力 從未公開承認任何戀情
