更新時間：15:16 2026-06-29
發佈時間：15:16 2026-06-29
發佈時間：15:16 2026-06-29
考大家記性，有冇印象上年睇《超人》彩蛋嘅時候，見到一個女仔走入孤獨堡壘，同超人狗「氪圖」有可愛互動？
冇估錯，呢個就係DC電影宇宙新作《超女》（SUPERGIRL）嘅伏筆。演女超人嘅澳洲女星Milly Alcock，比超人慘得多。明明大家係親戚，但超人童年喺地球長大，有養父母錫，而超女就睇住氪星殞落，親友一個個被殺，被逼離開去尋找地球，最後仲要喺報仇同正義之間作出抉擇，好難啫！
「超人」溫提竟全中
DC超級英雄片《超人》票房累收6.16億美元（約48億港元），開拍姊妹作《超女》，James Gunn當然要睇住，傍實今次執導嘅Craig Gillespie。
回憶當日收到通知獲選中演超女，Milly Alcock仍然好興奮。「James Gunn發短訊叫我睇電話，下秒就見到媒體嘅報道，實在難以置信，我同自己講呢部電影將會改變我嘅一生。開拍前，『超人』大衛柯倫維斯仲溫馨提示我一定會滿身瘀傷，但會為此感到自豪，又話我拍到尾聲時，會討厭身上嘅吊威也安全帶同戰衣，佢完全講中晒。」
超狂爆發力全新英雄
Milly指超女絕對唔係活在超人陰影下嘅角色，而係一位擁有強烈創傷同超狂爆發力嘅全新英雄。佢因為要救「氪圖」而出手，同尋找殺父仇人嘅Eve Ridley拍住上，建立起深厚友誼。
片中另一焦點，落喺「水行俠」積遜莫瑪（Jason Momoa）身上。佢飾演令整個宇宙聞風喪膽的賞金獵人「暴狼」，外形粗獷，爆粗當食生菜，「暴狼係我夢寐以求嘅角色！」
上映日期：6月24日
延伸內容：《超女》（Supergirl）新片介紹｜米莉艾高、馬提亞斯桑納斯、伊芙列尼、大衛古漢茲、艾蜜莉碧崔、積遜莫瑪主演，基克喬里斯佩執導
最Hit
